Jean 9:16 - Bible azumeina

¹⁶ Suma hiuna aduk Fariziyêna a dala: Sa máma mi tcholï nga ni gen Alona d’i, kayam mam nga mi ngom bur ma sabatna d’i. Wani suma hiuna a dala: Ni nana ba, sama tchona ndak á lahle suma simat suma hina na ge? Wala ti tchol adigaziya.

Jean 9:16 Referans Kwoze

Jean 10:19

Kayam ndata, wala ti tchol aduk Juif-fâ kua yam zla ndata.

Jean 7:43

Kayam ndata, ablau suma a wal mbà kamu.

Jean 7:12

Ablau suma a kud’us tazi ngola yam zla mamba. Suma dingâ a dala: Ni sama djivina. Suma dingâ ala: Hawa! Ni ma vit suma woina.

Jean 3:2

Mi mba gen Jesus andjege, mi dum ala: Ma hat suma, ami wang ala angî ma Alona sunungî á had’amina, kayam le Alona nga ki sana d’uo ni, mi ndak á lahle suma ndandal suma ang nga lazi wana d’i.

Matiye 12:2

Wani kid’a Fariziyêna a wazid’a, a de mi Jesus ala: Gola! Mang suma hata a nga le vama gat meid’a d’elei lovota kam á led’a kur bur ma sabatnina.

Jean 15:24

Ladjï an le sun nda sama ding mi ndak á lat tuo d’a adigazi d’uo ni, azi nga ki tchod’a d’i, wani ki tchetchemba, azi wad’u, azi noyôn ndei kAbun djak.

Jean 14:11

Agi hagi gagazid’a kan ala an nga kur Abunu, Abun mi nga kurun mi. Hina d’uo pî, ar agi hagi gagazid’a kan yam sun nda an lata.

Jean 9:24

Kayam ndata, Fariziyêna a hulong yi ma duka adjeuna yazi á mbàd’a, a dum ala: Ang de ni zla d’a gagazid’a avok Alona. Ami wami sa máma ni sama tchona.

Jean 6:52

Kayam ndata, Juif-fâ a nde tchi tazi tuguyod’a ala: Ni nana ba, sa máma ndak á hei hliwim á ted’a ge?

Jean 5:36

Wani an nga ki glangâs ma ngol ma kal ma hi Jean-nina, kayam sun nda Abun handjid’a, an nga ni ndagat vunad’u. Sun nda an lata nga d’i le glangâsâ kan ala nAbun ba, mi sununïya.

Sunda hi suma a sunuzinid’a 14:4

Wani ablau suma kur azì ma ngol mámina a wal kä mbà, suma hiuna ad’u Juif-fâ, suma hiuna ad’u suma a sunuzina mi.

Matiye 12:10

Sama abom tche mogod’ina mi nga kua. Suma a nga ata yi mámina a djop Jesus ala: Gat meid’a ar lovota á sut sana kur bur ma sabatna zu? A djobom hina kayam azi hal lovota á vum ki zlad’a.

Wana ni Zla d’a Djivi d’a Luc mi b’irita 13:14

Ma ngolâ hi gong nga tokina, hurum zal yam Jesus kayam mi sut suma tugud’eid’a kur bur ma sabatna. Mi de mablau suma ala: Burâ karagaya nga, ndak yam suma á le sun mazid’a. Agi mbagi kur bur máma kayam mi sud’ugi woi kur tugud’ei magid’a. Wani agi mbagi kur bur ma sabatna d’i.

Jean 2:11

Wana ni vama simat ma avok kikidji ma Jesus mi lum kur Kana d’a Galile-d’ina. Mi tak subur mamba woyo, mam suma hata a he gagazid’a kam mi.

Jean 5:10

Kayam ndata, Juif-fâ a de mi sama Jesus mi tcholom akulona ala: Ini ni bur ma sabatna. Gat meid’a arang nga lovota á hle zlat mangâ d’i.

Jean 7:23

Le agi nga ngad’agi sana bayâd’a kur bur ma sabatna kayam agi tchilagi ni yam gata hi Moise-sa d’uo ni, ni kayam me ba, hurugi zal kan kayamba an sut sana woi kur bur ma sabatna ge?