Jean 8:55 - Bible azumeina

⁵⁵ Agi wum nga d’i, wani an wumu. Ladjï an dala: An wum nga d’uo ni, an mbut ni sama ka zlad’a d’igi agi na mi. Wani an wumu, an nga ni ge yan kä ad’u zla mamba mi.

Jean 8:55 Referans Kwoze

Jean 8:19

Kayam ndata, azi djobom ala: Abung mi nga ni lara ge? Jesus mi hulong dazi ala: Agi wan nga an ndi, agi wagi nga Abun ma sununïna d’uo mi. Ladjï agi wanu ni, agi mba wagi Abun mi.

Jean 8:44

Agi suma abugi ni Diable-na, agi min lagi ni minda habugid’a. Mam mi ma tchi matna kad’u tinda dei, mi nga mi tit yam gagazid’a d’i, kayam zla d’a gagazid’a nga kurum mbi. Ata yima nga mi de zla d’a kad’ina, mi de ni yam mam tamba, kayam mam mi ma ka zlad’a, ni zla d’a kad’a abut mi.

Vama ndum mbeina 3:9

Wana ni vama an mba ni le ki suma toka hi Seitan suma ka zla suma a nga yi tazi ala azi ni Juif-fâ na ba, azi nga ni Juif-fâ d’uo na. An mba ni lazi kad’enga, azi mba grif kä avorong á hungû. Azi mba wala an le wa kangû.

Jean 8:51

Gagazi, an nga ni dagiya, le sama ngom zla manda ni, mba mi mit ti gak didin.

Matiye 11:27

Abun mi han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

1 Jean 5:10

Sama he gagazid’a yam Alona Goromina, mi nga ki glangâs mama kurumu. Sama he gagazid’a yam Alona d’uo na, mi mbut Alona ni ma ka zlad’a, kayam mi he nga gagazid’a yam glangâs ma Alona mi lum yam Goromina d’i.

Jean 15:21

Wani a mba lagi ahle ndazina pet kayam anu, kayam azi we nga mam ma sununïna d’i.

1 Jean 2:22

Ma ka zlad’a ni nge ge? Ni ma tin vunam ala: Jesus ni Christ máma d’uo na. Wana ni Ma djangûna hi Christ-sâ, nala, ni ma tin vunam yam Abui Alona ki Goromina.

1 Jean 2:4

Sama dala: An wumu, wani nga mi ge yam kä ad’u vun ma he mama d’uo na, ni sama ka zlad’a, zla d’a gagazid’a ti nga kurum mbi.

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

Sunda hi suma a sunuzinid’a 17:23

Kayam ata yima an nga ni kal kur azì ma ngolîna, an wahle suma agi nga kud’urozina. An fe yima ngal ahle suma ngat buzu ma dingâ, a b’ir atam ala: Ni malo ma bei wuma. Kayam alo ma agi nga kud’urom bei wuma ba na, an nga ni dagi kamu.

Jean 17:25

Abun ma d’ingêrâ, suma duniyad’a a wang nga d’i, wani an wangû, suma ang handjina a wala ni ang ba sununïya mi.

Jean 16:3

Azi mba lagi hina kayam azi we nga Abun ndi, a wan nga an nduo mi.

Jean 15:10

Le agi nga ngomogi vun man ma hed’a ni, agi mba kagagi kur o manda, d’igi an ngom vun ma hed’a hAbuna na, an nga kaka kur o mamba na mi.

Jean 8:29

Mam ma sununïna, mi nga ki sed’enu, nga mi aran van ndi, kayam an nga ni lahle suma lum tam djivid’ina burâ ki burâ.

Jean 6:46

Sama wAbun yam tu nga d’i, wani ni an ma tcholï gen Abun Alonina hol, ni an ba ni wumu.

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.

Wana ni Zla d’a Djivi d’a Luc mi b’irita 10:22

Mi de mi suma ala: Abun han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Wana ni mbaktumba hi Oze-d’a 5:4

Sun mazid’a nga d’i arazi lovota á hulongî gen an Alo mazina d’i, kayam muzuk ma gaulangâ mi nga adigaziya, kayam azi wan nga an Ma didina d’i.

Jeremi 9:3

Ma didina mi dala: Sinazi d’i nga ni ndira woi ata zla d’a kad’a d’igi suma a ndir yeûd’a á yeta na, nga ni ki d’engzenga ba, azi nga fad’enga kur ambasa d’i, a nga i navogovok kasa’ata, a wan nga d’uo mi.

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

Jean 8:52

Juif-fâ a dum ala: Ki tchetchemba, ami wami tetet ala ang nga ki muzuk ma tchona kurungû. Abraham mi mid’a, suma djok vun Alona a bo mi, wani ang dala: Le sama ngom zla manda ni, mba mi mit ti gak didin.

1 Jean 1:6

Le ei dei ala: Ei nga lei darigïd’a ki sed’emu, wani le ei nga tid’i kur nduvunda tua ni, ei kei ni zlad’a, ei nga tid’i yam gagazid’a d’i.