Jean 8:54 - Bible azumeina

⁵⁴ Jesus mi hulong dazi ala: Le an subur tanu ni, subur manda ni hawa yak. Ma suburuna nAbunu, ni mam ma agi nga dagi ala mam nAlo magina na.

Jean 8:54 Referans Kwoze

Jean 8:50

Wani an nga ni hal subura yam tan ndi. Ma suburuna mi nga, ni ma nga mi ka sariyad’a mi.

Zla d’a d’ogolâ 25:27

Nga djivid’a ang tayuma ngola d’i, ang hal subur ra ngola d’uo mi.

2 Pierre 1:17

Kayam Abum Alona mi hum mi suburum ata yima dela ti tcholï ata subur ra ngol la kal papad’a ala: Wana ni Goron ma an hurun vum heîna, ni ma tan ndi lan djivid’a heî kama na.

2 Korente-na 10:18

Kayam sama nga subur tam vama, mi ndak nga d’i, wani sama Ma didina nga mi suburuma ni ma nda’â.

Sunda hi suma a sunuzinid’a 3:13

Alona hi Abraham-ma, Alona hi Isa’â, Alona hi Jakob-ma, Alona habuyoi ngolona, ni mam tamba, mi subur azong mama Jesus. Agi hum abo suma te yamba, agi noyôm avok Pilat kid’a mi min á gum akulod’a.

Jean 17:1

Kid’a Jesus mi dahle ndazina dad’a, mi hle iram akulo, mi dala: Abunu, yina ndaga wa, ang suburunu, kayam an suburung mi.

Jean 8:41

Agi nga lagi ni sunda habugid’a. Kayam ndata, azi dum ala: Vud’umi nga kur mizeuna d’i, Abumi ni tu, nAlona.

Jean 7:18

Sama de zla mamba ki yama mi halî subur mamba ki yamu, wani sama hal subura hi Ma sunumïna, mam mi ma d’engzeng ma bei mbut ira kurum ba na.

1 Pierre 1:21

Ni yam mamba, agi hagi gagazid’a yam Alo ma tcholom akulo aduk suma matna ki suburina. Kayam ndata, he gagazi magid’a ki hur ma tin magina a ka’î yam Alona.

1 Pierre 1:12

Alona mi tak mam suma djok vuna ala sun nda azi nga lata ni kayam azi tazid’a d’i, wani ni yam agiya. Wani ki tchetchemba, agi humugi ahle ndazina nata suma a tchagi wal Zla d’a Djivid’a yam ad’enga hi Muzuk ma bei tchod’a ba ma sunumï akulona. Malaikana pî a min ngola á wäd’u ahle ndazina mi.

Jean 17:5

Abunu, ki tchetchemba, ang suburun avorong ki subur ra an nga ki sed’et avorong avok dei bei led’a hi duniyad’id’a.

Jean 7:39

Jesus mi de zla ndata ni yam Muzu’â hAlona ma suma a he gagazid’a kama a mba vuma, kayam Muzu’â nga bei humï tua, kayam Alona mi subur nga Jesus biya d’i.

Jean 5:41

An nga ni hal subura hi sumid’a d’i.

Jean 2:11

Wana ni vama simat ma avok kikidji ma Jesus mi lum kur Kana d’a Galile-d’ina. Mi tak subur mamba woyo, mam suma hata a he gagazid’a kam mi.

Wana ni mbaktumba hi Oze-d’a 1:9

Ma didina mi de mi Oze ala: Ang yum ala Lo-Ammi (nala, Ni sum mana d’i!), kayam agi nga ni sum mana d’i, an nga ni magina d’uo mi.

Isai 66:5

Agi suma nga humugi zlad’a hi Ma didinid’a ki mandarâ ki zlakina, agi humugi zla d’a b’oziyogi suma a noyôgi a aragi woi yam simiyêna a nga data. A nga dala: Ar Ma didina mi tak subur mamba woyo, ami wami furî magid’a mi. Wani ni azi ba, a mba mbut zulona.