Jean 8:51 - Bible azumeina

⁵¹ Gagazi, an nga ni dagiya, le sama ngom zla manda ni, mba mi mit ti gak didin.

Jean 8:51 Referans Kwoze

Jean 5:24

Gagazi, an nga ni dagiya, sama le mi hum zla manda, le mi he gagazid’a yam Ma sununïna ni, mi nga kari d’a didinda. Sariyad’a mba d’i vum mbi, wani mi nde woi kur matna, mi i kur arid’a.

Jean 15:20

Agi djib’eregi yam zla d’a an dagizid’a ala: Azongâ nga mi kal salama d’uo d’a. Le azi djobon vunanu ni, a mba djobogi vunagi hina mi. Le azi ngom zla manda ni, a mba ngom zla magid’a mi.

Jean 6:50

Le sama te te ma tcholï akulona ni, mba mi mit ti.

Wana ni Zla d’a Djivi d’a Luc mi b’irita 2:26

mi dum avok ala mam mba mi mit ti, gak mba mi we Mesi ma Salad’a sunumïna tua.

Hebre-na 11:5

Ni yam he gagazid’a ba, Alona mi hle Enok akulo bei matna. A fum nga d’i, kayam Alona mi hlum sä akulo. Avok ka bei mi hlumba, mbaktumba hAlonid’a ti le glangâsâ kam ala ni sama lAlona tam djivid’ina.

Sawal la giled’a 89:48

Ang djib’er yam burunu, mi ni gid’enga, sana mi we d’uo ni d’igi ang le suma ná bad’a woi hawa na.

Jean 8:55

Agi wum nga d’i, wani an wumu. Ladjï an dala: An wum nga d’uo ni, an mbut ni sama ka zlad’a d’igi agi na mi. Wani an wumu, an nga ni ge yan kä ad’u zla mamba mi.

Jean 8:12

Jesus mi de mi Fariziyêna kua ala: An ni b’od’a hi suma kur duniyad’ina. Sama tit ad’una, mba mi tit kur nduvunda d’i, wani mba mi tit ni kur b’o manda.

Matiye 16:28

Gagazi, an nga ni dagiya, suma dingâ a nga aduk suma tchola kä wana a mba bo d’i, gak azi mba wan an Gor Sana mba ni mbeï kamul manda.

Jean 8:52

Juif-fâ a dum ala: Ki tchetchemba, ami wami tetet ala ang nga ki muzuk ma tchona kurungû. Abraham mi mid’a, suma djok vun Alona a bo mi, wani ang dala: Le sama ngom zla manda ni, mba mi mit ti gak didin.

Jean 14:23

Jesus mi hulong dum ala: Le sama le kanu ni, mam mba mi ngom zla manda, Abun mba mi le kam mi. Ami kAbun mba mbami gevemu, ami mba kagami ki sed’em mi.

Jean 17:6

An tagang simiyêng ngei mi suma ang handji kur duniyad’a ka hina. Azi ni mangâ; ni ang ba, handjiya, azi nga ngom zla manga mi.

Hebre-na 2:9

Wani ei wei Jesus ma Alona hulongôm kä ad’u malaikana ndjö na. Ki tchetchemba, mi kulubum avaval la subura kamu, mi hum ngola mi. Ni yam sumad’a hAlonid’a ba, mi fe ndaka, mi mit yam suma pet.