Jean 8:47 - Bible azumeina

⁴⁷ Sama hAlonina nga mi hum zlad’a hAlonid’a, wani agi nga humugizi d’i, kayam agi nga ni suma hAlonina d’i.

Jean 8:47 Referans Kwoze

2 Jean 1:9

Nge nge pî ma nga kaka kur hata hi Christ-sa d’uo wani mi d’es seina, mi nga kAlona d’i. Sama nga kaka kur hata hi Christ-sina, mi nga kAbui Alona ki Goroma mi.

Jean 18:37

Kayam ndata, Pilat mi dum ala: Ang doli namulâ? Jesus mi hulong dum ala: Ang de wa, an namulâ. Ni kayam ndata ba, a vud’unu, an mba kur duniyad’a ná le glangâsâ yam gagazid’a. Sama lara pî ma nga kur gagazid’ina, nga mi humun zla manda.

1 Jean 3:10

Lovot ta ei wei Alona groma ki Diable groma teteta ba wana: Nge nge pî ma nga mi le d’ingêra d’uo na, nga mi le yam wiyema d’uo mi ni, nAlona goroma d’i.

Jean 8:45

Kayam an nga ni dagi ni zla d’a gagazid’a, agi nga hagi gagazid’a kan ndi.

Jean 8:37

An wala agi nandjafâ hi Abraham-ma, wani agi nga halan á tchid’a, kayam zla manda fe nga yima kaka kurugi d’i.

Jean 8:43

Ni kayam me ba, agi humugi zla man nda ded’a d’uo ge? Ni kayamba agi ndagagi á hum zla manda d’uo d’a.

Jean 6:65

Mi dazi kua ala: Ni kayam ndata ba, an dagi ala: Le Abun mi mal nga lovota mi sa d’uo ni, mi ndak á mba geven ndi.

3 Jean 1:11

Bäna, ar ang tit bugol tchod’a d’i, wani ang tit ni bugol djivid’a. Sama nga mi le djivid’ina ni ma hAlonina; sama nga mi le tchod’ina, mi we nga Alona d’i.

1 Jean 5:1

Nge nge pî ma mi he gagazid’a ala: Jesus ni Christ-zu na, Alona mi vud’um mi mamu. Nge nge pî ma nga mi le yam Abum Alonina, mi le ni yam goroma mi.

Daniel 12:10

A mba mbus suma ablaud’a woi yed’et hapa titil bei zozota ba, wani suma asa’atna a mba wad’ud’a d’i, a mba i avogovok kur tcho mazid’a. Wani suma wed’a a mba wad’ud’a.

Jean 5:25

Gagazi, an nga ni dagiya, yina nga mi mba, ki tchetchemba mi mba wa, ata yi máma, suma matna a mba hum del an Alona Goroma; azi suma a huma, a mba kak karid’a mi.

Jean 12:48

Sama noyôn ndei ma ve zla manda d’uo na, ma mba mi kam sariyad’a kama mi nga. Zla d’a an data, ni ndat ba, mba d’i kam sariyad’a kam kur bur ma dabid’a.