Jean 8:28 - Bible azumeina

²⁸ Kayam ndata, Jesus mi dazi ala: Fata agi gabagi wa an Gor Sana akulo ni, kur bur máma agi mba wagi ala an ni Ma nga na. An nga ni le va yam tan ndi, wani an nga ni de ni vama Abun had’andjina.

Jean 8:28 Referans Kwoze

Jean 5:30

Jesus mi dazi kua ala: An nga kad’enga á le va yam tan ndi. D’igi an hum na, an nga ni ka sariyad’a hina mi. Sariya d’a an kata ni d’ingêr, kayam an nga ni le ni min manda d’i, wani an le ni minda hi mam Ma sununïna.

Jean 5:19

Jesus mi hulong dazi ala: Gagazi, an nga ni dagiya, an Alona Goroma ni ndak á le va yam tan ndi, wani an le ni vama an wAbun nga mi luma hol, kayam ahlena pet suma mam nga mi lazina, an Goroma nga ni lazi mi.

Jean 6:38

kayam an tcholï akulo ná le min manda d’i, wani ná le minda hi mam Ma sununïna.

Jean 3:14

D’igi Moise mi gap gugui ma a yorom ki kawei ma hleunina akulo hur fulâ na, mbeî a mba gap Gor Sana akulo hina mi,

Romê-na 1:4

ni ma Muzuk ma bei tchod’a ba na mi de woi kam kad’enga ala mam mi Alona Goroma ata yima mi tcholom akulo aduk suma matnina, ni Jesus Christ Saleina.

Sunda hi suma a sunuzinid’a 4:4

Wani ablaud’a aduk suma a hum zla ndatina, a he gagazid’a, ndum mazid’a suma ni d’igi dudubud’a vahl na.

Sunda hi suma a sunuzinid’a 2:41

Suma a ve zla mambina, a lazi batemba. Kur bur máma a fe suma kazi kua d’igi dudubud’a hindi na.

Jean 19:18

Nata yi máma ba, azigarâ a b’alam akulo ata aguna, zlapa ki suma dingâ mbà, tu abo hî, tu abo hî, Jesus adugu.

Jean 16:10

yam d’ingêra kayam an nga ni i gen Abunu, agi dok wan nduo d’a,

Jean 11:42

An we tcha ala ang nga humun teteu, wani an de ni yam ablau suma nguyun wana, kayam azi fe lovota á he gagazid’a ala ni ang ba, sununïya.

Jean 8:24

Kayam ndata, an dagi ala: Agi mba bogi kur tcho magid’a. Le agi hagi gagazid’a ala an ni Ma nga na d’uo ni, agi mba bogi kur tcho magid’a.

Jean 3:11

Gagazi, an nga ni dangû, ami dami ni vama ami wuma, ami lami glangâsâ ni yam vama ami wamizi ki iramina, wani agi nga vagi zla mamid’a d’i.

Buzuk ka Abud’a 3:14

Alona mi de mi Moise ala: AN NI MA NGA NA. Mi dum kua ala: Wana ni zla d’a ang mba hulongôt ded’a mi Israel-lîd’a: Ma yi tam ala AN NGA na, mi sununï gevegi ni mamu.

Gat ta a hat á mbàd’id’a 18:18

An mba ni tchol ki ma djogon vunana tu ma adugï b’oziyozina ma d’igi ang na na, an mba ni tinim zla manda avunamu; mam mba mi dazi ahlena pet suma an mba ni hum vuna kazina.

Matiye 24:5

Kayam ablau suma a mba mba ki simiyênu, a mba dala: An ni Mesi máma. Azi mba vit suma woi ngola.

Marik 13:6

Kayam ablau suma a mba mba ki simiyênu, a mba dala: An ni Mesi. Azi mba vit suma woi ngola.

Wana ni Zla d’a Djivi d’a Luc mi b’irita 21:8

Jesus mi dazi ala: Agi gologi tagi djiviya, ar sa mi vid’igi woi d’i. Kayam ablau suma a mba mba ki simiyênu, a mba dala: An ni Mesi máma, yi máma mi mba wa da’. Wani agi igi ad’uzi d’i.

Jean 4:26

Jesus mi hulong dat ala: An ma nga ni dak zlad’a wana, an ni mamu.

Jean 8:27

Wani azi we nga d’ala Jesus mi dazi ni yam Abumu d’a d’i.

Jean 8:58

Jesus mi dazi ala: Gagazi, an nga ni dagiya, avok bei a vut Abraham-mba, an nga.

Jean 13:19

Ki tchetchemba, an nga ni dagi avok va máma bei mbad’a, kayam fata mi mbad’a, agi mba hagi gagazid’a ala an ni Ma nga na.

Jean 18:32

Ahle ndazina a le hina á ndak ki vun zla d’a Jesus mi dat tei avok yam mad’am ma mam mba mi mitna ndak memet.