Jean 7:7 - Bible azumeina

⁷ Suma duniyad’a a ndak á noyôgi d’i, wani a noyônu, kayam an nga ni le glangâsâ kazi ala sun mazi d’a led’a ni tchod’a.

Jean 7:7 Referans Kwoze

Jean 3:19

Sariya ndata ba wana: B’od’a ti mba kur duniyad’a, wani suma a min nduvunda kal b’od’a, kayam sun mazi d’a led’a ni tchod’a.

Galat-na 4:16

Ki tchetchemba, an mbut sama djangû magina kayamba an nga ni dagi zla d’a gagazid’id’a zu?

1 Jean 4:5

Azi ni suma hi duniyad’ina. Kayam ndata, zla mazi d’a ded’a ni hi duniyad’id’a, suma duniyad’a a nga humuzi mi.

Jacques 4:4

Agi suma bei d’engzengâ, agi wagi nga d’ala le yam duniyad’a ka’î djangûna kAlona d’uo zu? Wani sama min á le banad’a ki duniyad’ina, mi mbut ni sama djangûna hAlonina.

Jean 17:14

An hazi zla manga. Suma duniyad’a a noyôziya, kayam suma ang handji ndazina ni suma hi duniyad’ina d’i, d’igi an ni hi duniyad’ina d’uo na mi.

Romê-na 8:7

Suma a nga le minda hi sa mazi ma adjeunid’ina, ni suma djangûna hAlonina. Azi nga ge yazi kä ad’u gata hAlonid’a d’i, kayam azi ndak ki.

1 Amuleina 21:20

Elie mi i de zla ndata mi Ahap. Ahap mi dum ala: Man ma djangûna, ang fan ini zu? Elie mi dum ala: Â, an fang ini, kayam ang he tang ngei á le sun nda tchod’a avok Ma didina.

Jeremi 20:8

Ata yima lara ma an de zlad’ina, an erï ad’un akulo mbeî ala: Murud’umba ki djop vuna a mba. Kayam ndata, zlad’a hi ang Ma didinid’a, ti mbut ni vama ngula ki vama sanda kan burâ pet.

Zla d’a d’ogolâ 8:36

Wani sama mi lan tchod’ina, mi le ni tam tchod’a; suma pet suma a noyôna, a min ni matna.

Wana ni Zla d’a Djivi d’a Luc mi b’irita 6:26

Le suma pet a nga yorogiya ni, ni zla d’a hohoud’a kagiya, kayam abuyozi ngolo a le ki suma djok vun suma ka zlad’a adjeuna nina mi.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Zakari 11:8

An dik suma pol suma hindina woi kur til ma tuna, an ve nga tan kazi d’i. Azi tazi a golon an ni vama ndjendjed’a mi.

Isai 49:7

Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

Zla d’a d’ogolâ 15:12

Ma las suma nga mi min ala sa mi ngobom mbi, nga mi i gen suma ned’a d’uo mi.

1 Amuleina 22:8

Amul ma Israel-lâ mi dum ala: Ma dingâ tu mi nga ka hî, a yum ala Mise ni Jimla goroma, ni ma ndak á djop Ma didina atama. Wani an minim mbi, kayam mam nga mi djogon vun ma djivi d’i; mi djogon ni vun ma tchona burâ ki burâ. Josafat mi dum ala: Amulâ, ar ang de hina d’i!

Sawal la giled’a 109:5

An nga ni lazi djivid’a, wani azi nga hulong lan tchod’a; an nga ni le od’a kaziya, wani azi nga noyônu.

Sunda hi suma hi Levi-nid’a 13:10

Ma ngat buzu máma mi golomu. Le tam mba mbrudjuk ndata ti ni hapa, ti mbud’um tumuzum hapa, le tam mba mbrudjuk ndata ti kä hleud’a kikringû ni,