Jean 7:32 - Bible azumeina

³² Fariziyêna a hum ablau suma a nga kud’us tazi yam zla mamba. Kayam ndata, nglo suma ngat buzuna azi ki Fariziyêna a sun azigarâ ala a vumu.

Jean 7:32 Referans Kwoze

Sunda hi suma a sunuzinid’a 5:26

Ata yi máma, ma ngolâ hi suma a ngom gong nga kud’ora hAlonid’ina ki sum mama a iya, a yoï suma a sunuzina, wani ni kad’enga d’i, kayam azi nga le mandara suma ala dam a mba duruzi kahinad’a kla ge.

Jean 18:3

Kayam ndata, Judas mi yoï azigarâ adesâ ki suma a ngom gong nga kud’ora hAlonid’ina. Ni suma nglo suma ngat buzuna azi ki Fariziyêna a sunuzïna. Azi mba ki lalamba kaku d’a ganda kahle suma sïna aboziya.

Jean 12:19

Kayam ndata, Fariziyêna a de tazi ala: Agi gologiya, suma pet a nga i gevemu. Agi ndak á lagi va d’uo d’a.

Matiye 23:13

Jesus mi de kua ala: Ni zla d’a hohoud’a kagi agi suma hat gata ki Fariziyê suma lop ira. Agi suma nga dugugi vun leu d’a akulod’a woi avok sumina, agi tagid’a nga kalagi kua d’i, wani agi nga ar suma a min kal kuana á kal kua d’uo mi. [

1 Samuel 19:20

Saul mi tchuk suma á veï David. Azi wades suma djok vuna a nga djok vuna, Samuel mi nga avoroziya. Muzu’â hAlonina mi ve suma hi Saul-lâ, azi tazid’a a nde djok vun Alona mi!

Matiye 12:14

Wani Fariziyêna a buzuk abua, a ndjak vunazi kam ala ni nana ba, azi mba tchi Jesus woi ge.

Matiye 26:58

Pierre nga mi djï blogom mbei hina dei, gak mi kal hur azina hi ma ngol ma ngat buzunina. Mi kak kä gen suma ndjola á we vama mba mi lena.

Jean 7:30

Kayam ndata, azi halam á ved’a, wani sa mi tin abom atam mbi, kayam yi máma ndak nga biya d’i.

Jean 11:46

Wani suma hiuna adigazi a i gen Fariziyêna, a dazi yam ahle suma Jesus mi lazina.