Jean 7:22 - Bible azumeina

²² Moise mi hagi bayâ d’a ngata, wani ti tin ad’ud’a nata Moise si, nata abuyogi ngolo. Kayam ndata, agi nga ngad’agi sana bayâd’a ni kur bur ma sabatna.

Jean 7:22 Referans Kwoze

Sunda hi suma hi Levi-nid’a 12:3

Kur bur ma klavandina, agi ngad’agi gorâ bayâd’a.

Galat-na 3:17

Wana ni vama an min duma. Vun ma djin ma Alona djinim avok deina, gat ta mbeï bugol bizad’a kikis fid’i yam dok hindi d’a, ndak á tchi vun ma djinda hAlonina woi d’i, ndak á mbut vun mam ma hled’a vama hawana d’uo mi.

Ad’u Tinda 21:4

Abraham mi ngat goroma Isak bayâd’a kur bur ma klavandina d’igi Alona mi dum na.

Sunda hi suma a sunuzinid’a 7:8

Alona mi djin vunam ki sed’em á ngat bayâd’a. Kid’a Abraham mi vut Isak-ka, mi ngad’am bayâd’a kur bur ma klavandina. Isak mi vut Jakob, mi ngad’am bayâd’a, Jakob mi vut abuyoi ngolo suma dogo yam mbàna, mi ngad’azi bayâd’a mi.