Jean 7:19 - Bible azumeina

¹⁹ Moise mi hagi gata d’uo zu? Hina pî, adigagi ma ngomotna nga d’i. Ni kayam me ba, agi halan á tchid’a ge?

Jean 7:19 Referans Kwoze

Jean 1:17

Alona mi he gata yam suma nabo Moise, wani sumad’a ki gagazid’a a mba ni yam Jesus Christ.

Jean 11:53

Kur bur máma a nde ndjak vunazi á tchum mbeyo.

Jean 7:1

Bugol ahle ndazina, Jesus nga mi tit kur ambas sa Galile-d’a kayam mi min tit kur ambas sa Jude-d’a d’i, kayam Juif-fâ a nga halam á tchid’a.

Matiye 12:14

Wani Fariziyêna a buzuk abua, a ndjak vunazi kam ala ni nana ba, azi mba tchi Jesus woi ge.

Galat-na 6:13

Suma a ngat bayâd’ina ki yazi pî a nga tit yam gata d’i. Wani azi min ngad’agi bayâd’a kayam azi fe lovota á subur tazi yam hliwigiya.

Gat ta a hat á mbàd’id’a 33:4

An Moise ni hagi gat tala ni vama djona hi agi andjafâ hi Jakob-mina d’a.

Gat ta a hat á mbàd’id’a 1:17

Ar agi wagi hohowa sa kur sariya d’a kad’a d’i, agi humugi gogorâ d’igi ma ngolâ na, ar agi lagi mandara sa tu d’i, kayam Alona ni ma ka sariyad’a. Ata yima agi fagi sariya d’a ad’engina, agi mbeyendji avoronu, an humut ki sed’egiya.

Galat-na 3:19

Ni kayam me ba, Alona mi tin gata ge? Mi tinit á tak tcho d’a led’a abua, gak andjafâ hi Abraham ma Alona hlum vunam kama mi mba. Malaikana a he gat ndata mi Moise ma aduk suma kAlonina.

Sunda hi suma a sunuzinid’a 7:38

Ni mam ma nga tchola kur tok ka hur fulîd’a ki malaika ma mi dum zlad’a yam ahina d’a Sinai-d’a kabuyoi ngolona. Ni mam ma mi ve zla d’a arid’a hAlonid’a, mi heizina mi.

Jean 10:39

Kayam ndata, azi halam kua á ved’a, wani mi nde woi aboziya.

Jean 7:25

Kayam ndata, suma hiuna aduk suma Jerusalem-ma, a dala: Wana ni mam ma a nga halam á tchid’ina d’uo zu?

Jean 5:45

Agi djib’eregi ala ni an ba, mba ni kal kagi avok Abunu d’i. Mam ma kal kagina ni Moise, mam ma agi tinigi hurugi kama.

Jean 5:18

Kayam ndata, Juif-fâ a nga halam ngola á tchum mbei ni kayamba mi b’la’î bur ma sabatnid’a hol li, wani nga mi yi Alona ala Abumu, nga mi mbut tam dedege d’igi Alona na mi.

Jean 5:16

Kayam ndata, Juif-fâ a nde hal Jesus ki zlad’a, kayam mi lahle ndazina ni kur bur ma sabatna.

Marik 3:6

Fariziyêna a buzuk abua. Ata yi máma na wat, azi ndjak vunazi ki suma hi Herot-na yam Jesus, ni nana ba, azi mba bam mbei ge?

Marik 3:4

Bugola, mi dazi ala: Gat meid’a ar lovota á le djivid’a kur bur ma sabatna, d’oze á le tchod’a zu? Á sut sana, d’oze á tchi sana zu? Wani azi seng silil.

Matiye 21:38

Wani kid’a suma sunda a we goromid’a, a de tazi ala: Wana ni ma te djona, agi mbeyegi tchiziya, ei mba tei djo mama.

Marik 11:18

Kid’a suma nglo suma ngat buzuna azi ki suma hat gata a hum zla ndatid’a, a nga hal lovota á tchum mbeyo, wani azi nga lum mandaramu, kayam ablau suma pet a nga le atchap yam hat mamba.