Jean 6:71 - Bible azumeina

⁷¹ Mi de ni yam Judas Simon Iskariyot goroma, kayam ni mam ba, mba mi he Jesus abo suma, mi nga aduk suma dogo yam mbàna mi.

Jean 6:71 Referans Kwoze

Jude 1:4

Kayam suma ding suma tchona a nga si kä adigei gumunu, ni suma a ka sariyad’a kazi avok deina, ni suma bei ge yazi kä ad’u Alonina; ni suma a mbut sumad’a hAlo meinid’a woi vama ndjendjed’a kur tit mazid’ina; ni suma a noî Saleina Jesus Christ ma tu ni mei ma hatina.

Sunda hi suma a sunuzinid’a 2:23

Mam mi sama agi hum mbei abo suma tchona. A tchum ata agu ma b’ala d’igi Alo ma wahlena petna mi nga hurum kam avok dei na.

Jean 13:26

Jesus mi hulong dum ala: Ma an nga ni duvun avuna ni humzina, ni mamu. Ata yi máma, mi duvun avuna, mi hum mi Judas Simon Iskariyot goroma.

Sawal la giled’a 41:9

Mi dap wa ata zla d’a tchod’a! Gola! Mi nga ged’a kä! Mi dok tchol akulo d’uo d’a!

Matiye 10:2

Simiyê suma a sunuzi suma dogo yam mbàna ba wana: Ma avo’â ni Simon ma a yum ala Pierre-râ azi ki wiyema Andre, Jacques ki wiyema Jean Zebede groma,

Matiye 10:4

Simon ma kak djangûna ki gata hi Romê-nid’a avo’â ki Judas Iskariyot ma mba he Jesus abo mam suma djangûnina.

Marik 14:10

Judas Iskariyot ma aduk suma hat suma dogo yam mbàna, mi i de mi nglo suma ngat buzuna ala mi min hazi Jesus aboziya.

Jean 2:2

A yi Jesus ki mam suma hata ata yima tela mi.

Jean 6:64

Wani suma hiuna a nga adigagi bei he gagazid’a. Jesus mi de hina kayam mi we suma bei he gagazid’ina avok dei ki ma mba mi hum abo sumina mi.

Jean 6:70

Jesus mi hulong dazi ala: Ni an ba ni managi dogo yam mbà d’uo zu? Wani ma dingâ tu nga adigagiya ni diable.

Jean 12:4

Wani Judas Iskariyot ma tu ma aduk mam suma hata ma ar go á hum abo sumina, mi dala:

Jean 13:2

Avok tena, Diable mi kal wa zlad’a kur Judas Iskariyot Simon goroma á he Jesus abo suma. Kid’a azi nga avun tena tua d’a,

Jean 20:24

Wani Toma ma a yum ala Ngoneîna na, ni ma aduk suma hat suma dogo yam mbàna, mi nga ki sed’ezi ata yima Jesus mba gevezina d’i.