Jean 6:33 - Bible azumeina

³³ Kayam tena hAlonina ni sama tcholï akulona, ni sama he arid’a mi suma kur duniyad’ina.

Jean 6:33 Referans Kwoze

Jean 17:8

kayam zla d’a ang handjid’a, an haziziya wa. Azi vad’u, a wala: Gagazi, an tcholï ni gevengû, a he gagazid’a ala: Ni ang ba, sununïya.

Jean 8:42

Jesus mi dazi ala: Ladjï Alona nAbugiya ni, agi mba lagi kanu, kayam an tcholï ni gen Alona ba, ni mba wana, kayam an mba ni yam tan ndi, wani ni mam ba, mi sununïya.

Jean 16:28

An tcholï ni gen Abunu, ni mba kur duniyad’a ka hî. Ki tchetchemba, an nga ni ar duniyad’a, an nga ni i gevemu.

Jean 6:50

Le sama te te ma tcholï akulona ni, mba mi mit ti.

Jean 6:48

An ni te ma harid’a mi sumina.

Jean 6:38

kayam an tcholï akulo ná le min manda d’i, wani ná le minda hi mam Ma sununïna.

Jean 3:13

Sama djak kur akulod’ina nga d’i, wani ni an Gor Sana ma tcholï akulona.

1 Timote 1:15

Zla ndata ni zla d’a d’engzeng nga ndak á suma vat ata yina peta, nala, Jesus Christ mi mba kur duniyad’a á sut suma tchona. Adigazi an ni ma ngol mazina,

Jean 13:3

Jesus mi wala Abum mi hum wa ahlena pet abomu, mam tcholï ni gevemu, nga mi hulong gevem mi d’a,

Jean 6:32

Kayam ndata, Jesus mi dazi ala: Gagazi, an nga ni dagiya, ni Moise ba, mi hagi te ma tcholï akulona d’i, wani nAbun ba, mi hagi te ma gagazi ma tcholï akulona.

Jean 6:41

Kayam ndata, Juif-fâ a gureî kamu, kayam mi dala: An ni te ma tcholï akulona.

Jean 6:58

Wana ni te ma tcholï akulona: Mi nga ni d’igi te ma abuyogi ngolo a tum pî a bo ki na na d’i. Sama te te ma wanina mba mi kak karid’a gak didin.