Jean 6:31 - Bible azumeina

³¹ Abuyomi ngolo a te manna hur fulâ, d’igi a b’ir kur mbaktumba na ala: Mam hazi te ma tcholï akulona.

Jean 6:31 Referans Kwoze

Nehemi 9:15

Ata yima meid’a tchazina, ang hazi avungô ma ei akulona; ata yima vunazi sona, ang hazi mbiyo ma buzugï aduk ahinad’ina. Ang dazi ala a i hlambas sa ang hle vunang kat á hazizid’a.

Sawal la giled’a 105:40

Yam tchen mazid’a, mi hazi tcheged’a, mi hobozi kavu ma ndeï akulona mi.

Jean 6:49

Abuyogi ngolo a te manna hur fulâ; hina pî a bo woyo.

Buzuk ka Abud’a 16:35

Israel-lâ a te manna gak bizad’a dok fid’i, gak a mba yam ambas sa suma a nga kaka kata. A te manna gak a mba avun haga d’a Kanan-nda.

Vama ndum mbeina 2:17

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba ni hazi man ma nga ngeid’ina. An mba ni he nge nge pî adigazi ahina d’a hap pa a b’ir nga simi ma awilina kuad’a. Ni d’a sama ding ndak á wat tuo d’a, ni sama vatna hola.

Nehemi 9:20

Ang hazi Muzuk mang ma djivina á mbud’uzi suma ned’a, ang d’elezi nga man ma ang hazizi á ted’ina d’i, ang hazi mbina yam vunazi ma sona mi.

Gat ta a hat á mbàd’id’a 8:3

Mi hulongôgi yagi kä, mi tchagi ki meid’a, mi hagi man ma agi d’oze abuyogi ngolo a wum nga yazi tu d’uo na á tagagi woi ala: Sana mi kak karid’a ni yam tena hol li, wani ni ki zla d’a lara ge pet ta ndeï avun Ma didinid’a.

1 Korente-na 10:3

Azi pet a te ni tena hAlonina.

Jean 6:58

Wana ni te ma tcholï akulona: Mi nga ni d’igi te ma abuyogi ngolo a tum pî a bo ki na na d’i. Sama te te ma wanina mba mi kak karid’a gak didin.

Josue 5:12

Tcha yorogod’a azi te te ma yam ambasina, manna ad’um ka; Israel-lâ a fum nga d’uo d’a. Kur biza ndata azi te ni te ma kur ambas sa Kanan-ndina.

Jean 6:32

Kayam ndata, Jesus mi dazi ala: Gagazi, an nga ni dagiya, ni Moise ba, mi hagi te ma tcholï akulona d’i, wani nAbun ba, mi hagi te ma gagazi ma tcholï akulona.