Jean 5:5 - Bible azumeina

⁵ Ata yi máma, sana nga, ni ma le tugud’eid’a bizad’a dok hindi yam klavandina.

Jean 5:5 Referans Kwoze

Sunda hi suma a sunuzinid’a 3:2

Wani sana nga, ni ma a vud’um ki gugutud’ina, a nga hlum a tinim kä avun gong nga kud’ora hAlonid’a teteu go ki vun agrek ma a yum ala Vun agrek ma djifâ na, kayam mi tchen he d’a hawad’a abo suma a nga kal kurutna.

Wana ni Zla d’a Djivi d’a Luc mi b’irita 8:43

Ata yi máma, atcha d’a nga ki tugud’ei d’a djang buzunid’a ti nga, ti le bizad’a ki sed’et ni dogo yam mbà. Adjeu ti b’lak ahligiyet pet tei mi dokdorâ, wani sama ndak á sud’ut nga d’i.

Marik 9:21

Jesus mi de mi gorâ abum ala: Tugud’ei ndata ti fumî mindja dei ge? Mi dum ala: Ni ki gogorom dei.

Sunda hi suma a sunuzinid’a 14:8

Sana nga kur Listre ni ma a vud’um ki gugutud’a dei ma mi tit nga yam tu d’uo na.

Wana ni Zla d’a Djivi d’a Luc mi b’irita 13:16

Wani atcha d’a wanda ni Abraham gorom mba Seitan mi djinit bizad’a dogo yam klavandid’a, ndak á bud’ut tei kur bur ma sabatna d’uo zu?

Sunda hi suma a sunuzinid’a 9:33

Mi fe sana, simiyêm ala Ene, nga burâ kä kur zlatna bizad’a klavandi, kayam mi kuzî gugutud’a.

Jean 9:1

Kid’a Jesus nga mi kala, mi we sama a vud’um ki dukina.

Jean 5:14

Bugol ahle ndazina, Jesus mi fum kur gong nga kud’ora hAlonid’a, mi dum ala: Gola! Ang sut wa da’. Ang dok le tcho d’uo d’a, kayam vama tcho ma kal ma wana mi lang nguo d’a.

Sunda hi suma a sunuzinid’a 4:22

kayam sama a lahle suma atchapma ki sed’em a tcholom akulo kur tugud’ei mambina, bizam kal dok fid’i.

Jean 9:21

Wani vama le ba, mam nga mi we yina ki tchetchembina, ami wami nga d’i, ami wami nga sama malam iram mbeina d’uo mi. Agi djobomu, mi ndak sana da’. Mam tamba mba mi dagiya.

Jean 5:4

Kayam malaikana hi Salad’ina nga mi tchuk asem kä aduk mbina burâ tutu á gizeî mbina. Bugol gizeîd’a hi mbinid’a, sama surop kä avo’â, mi sut tei kur tugud’ei mam mba lumba.]

Jean 5:6

Kid’a Jesus golom mi nga burâ kä d’a, mi wala mi nga kua ni dedei, mi dum ala: Ang min tchol akulo zu?