Jean 5:19 - Bible azumeina

¹⁹ Jesus mi hulong dazi ala: Gagazi, an nga ni dagiya, an Alona Goroma ni ndak á le va yam tan ndi, wani an le ni vama an wAbun nga mi luma hol, kayam ahlena pet suma mam nga mi lazina, an Goroma nga ni lazi mi.

Jean 5:19 Referans Kwoze

Jean 12:49

Kayam an nga ni de va yam tan ndi, wani Abun ma mi sununïna ba, mi han vuna yam vama an nga ni duma ki zla d’a an mba ni data mi.

Jean 8:28

Kayam ndata, Jesus mi dazi ala: Fata agi gabagi wa an Gor Sana akulo ni, kur bur máma agi mba wagi ala an ni Ma nga na. An nga ni le va yam tan ndi, wani an nga ni de ni vama Abun had’andjina.

Jean 14:10

Ang nga he gagazid’a ala an nga kur Abunu, Abun mi nga kurun mi d’uo zu? Zla d’a an nga ni dagizi d’a wanda ni manda d’i, nAbun ma nga kuruna ba, nga mi ndak vun sun mamba.

Jean 10:18

Sana nga kad’enga á tchan ndi, wani an tanda nga ni he tan ndei á matna. An nga kad’enga á he tan ndeyo, an nga kad’enga á tchol tan akulo mi. NAbun ba, mi han vun ma he máma.

Romê-na 8:11

Wani le Muzu’â hAlona ma mi tchol Jesus akulo aduk suma matnina mi nga kaka kurugiya ni, Alo ma mi tchol Christ akulo aduk suma matnina mba mi hagi arid’a ata hliwigi ma matna ni yam Muzuk mam ma nga kaka kurugina mi.

Jean 9:4

Kid’a afata nga tua d’a, mbeî ei lei sunda hi mam ma sununïna, kayam andjeged’a nga d’i mba, sa ndak á le sunda kurut ti.

Wana ni Zla d’a Djivi d’a Luc mi b’irita 21:15

Kayam an mba ni hagi zla d’a ded’a ki ned’a, tala magi suma djangûna pî a ndak á tchol á tchi tuguyod’a ki sed’egi d’uo d’a.

Jean 5:21

D’igi Abun nga mi tchol suma matna akulo nga mi hazi arid’a na, an Goroma nga ni harid’a mi suma an minizina hina mi.

2 Korente-na 5:10

Kayam ei pet mba tcholei avok zlam mba ka sariyad’a hi Christ-sa, nge nge pî mba mi ve vama ndak yam sun nda mi lat kur hliu tamba, le ni djivid’a, d’oze tchod’a.

Jeremi 17:10

Wani an Ma didina ni hal hur sana, ni fegem á wumu, á wurak nge nge pî yam tit mamba, yam sun mam mba mi lata mi.

Ad’u Tinda 1:26

Alona mi de kua ala: Ei lei sana d’igi ei na; ma hle tam d’igi ei na na. Ar mi te yam kulufâ, yam aluweina, yam azurei suma nglona, yam ambureina kahle suma gurei suma a dram kä yam andagad’ina pet mi.

Jean 3:3

Jesus mi hulong dum ala: Gagazi, an nga ni dangû, le a vut nga sana vut ta awilid’a d’uo ni, mi ndak á we leud’a hAlonid’a d’i.

Zla d’a d’ogolâ 2:6

Kayam ni Ma didina ba, nga mi he ned’a; wed’a ki zla d’a irata a buzugï navunam mi.

Sawal la giled’a 138:3

Kur bur ma an yangâ, ang humunu, ang siranu, ang han ad’enga atan mi.

Sawal la giled’a 50:6

Ar akulod’a ti tak d’ingêr mamba woyo, kayam mam mi ma ka sariyad’a. Tchol ndjö

Ad’u Tinda 1:1

Avok ka va nga d’uo tua d’a, Alona mi lakulod’a kandagad’a.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.

Kolos-sâ 1:16

Alona mi lahlena pet ni ki mamu, nala, ahle suma sä akulona kahle suma yam andagad’ina kahle suma a nga wazi ki irina kahle suma bei wazi ki irina, suma ad’enga ki suma suliyod’a ki suma te yamba ki suma te leud’a. Alona mi lahlena pet ni ki mamu, ni kam mam mi.

Filip-ma 4:13

An ndak á lahlena pet yam ad’eng nga Christ mi handjid’a.

Filip-ma 3:21

Mam mba mi mbud’i hliwi ma amangeî ma ad’u ad’enga hi matnina, mba mi mbud’i hliwi d’igi hliwim ma subura na kad’eng mam mba ndak á hulong ahlena pet yazi kä ad’umba.

Efes-sâ 3:16

An nga ni tchen Alo ma subur mamba kal teglesâ, kayam mi hagi ad’enga kurugi kad’enga hi Muzuk mamid’a.

2 Korente-na 4:14

Ami wami ala mam ma tchol Salad’a Jesus akulo aduk suma matnina, mba mi tcholomi zlapa ki Jesus. Mam mba mi ndami woi avorom zlapa ki agi mi.

1 Korente-na 15:12

Le ami tchagi wala yam Christ ala mi tchol akulo aduk suma matna ni, ni kayam me ba, suma dingâ adigagi a nga dala suma matna a mba tchol akulo d’uo ge?

Romê-na 6:4

Kur batem meid’a, a tozei zlapa tu ki sed’em kur mat mama. D’igi Christ mi tchol akulo aduk suma matna karid’a kad’eng nga subura hAbumba na, hina mi, ei tid’i ni kur ari d’a awilid’a mi.

Sunda hi suma a sunuzinid’a 2:24

Wani Alona mi tcholom akulo, mi pad’am mbei kur ndaka hi matnid’a, kayam matna nga kad’enga á vum kä d’i.

Jean 2:19

Jesus mi hulong dazi ala: Agi togi gong nga kud’ora hAlona d’a wanda kä, wani kur bur ma hindina, an mba ni minit akulo.

Isai 44:24

Agi Israel-lâ, Ma didin ma wurak kagi ma lagï kur asuyogi deina, mi dala: An ni Sala ahlena pet. Ni an tu ba, ni b’eng akulod’a woyo, ni bine andagad’a woi bei sa mi ndjunun ba mi.

Buzuk ka Abud’a 4:11

Ma didina mi hulong dum ala: Ni nge ba, mi le vun sana ge? Ni nge ba, mi mbut sana ndumîd’a, d’oze ngela, d’oze ma wed’a, d’oze ma duka ge? Ni an Ma didina d’uo zu?

1 Tasaloni’â 4:14

Le ei nga hei gagazid’a ala Jesus mi mid’a mi tchol akulo aduk suma matna miyu ni, hina mi, ei hei gagazid’a ala suma a he gagazid’a yam Jesus suma a bona, Alona mba mi hulongôzi arid’a zlapa ki Jesus mi.

Isai 45:24

A mba de kan ala: Nata Ma didina tu ba, ang fe d’ingêra kad’enga. Suma pet suma a mba dur ayîna ki sed’ena a mba mbeï geven ki zulona.

Kolos-sâ 1:11

Kayam ndata, ami nga tchenemi Alona kayam mi siragi ngingring kad’enga hi subur mambid’a. Hina wani, agi mba fagi ad’enga á so tad’a, á ve tad’a mi.

Sawal la giled’a 27:14

Ang tin hurung yam Ma didina, ang ve tang ad’enga, ar tang tchuk lus si. Ang tin hurung yam Ma didina.

Matiye 26:39

Mi hut sä avok hina nde, mi ge tam kä, mi tchen ala: Abunu, le ndak hina ni, ang hle kop ma ayî ma wana woi kanu. Wani ang le ni ata min manda d’i, wani ang le nata min manga.

Jean 6:38

kayam an tcholï akulo ná le min manda d’i, wani ná le minda hi mam Ma sununïna.

Jean 12:50

An we vun mam ma hed’a nari d’a didinda. Kayam ndata, zla d’a an nga ni data, an de ni d’igi Abun dan na mi.