Jean 5:17 - Bible azumeina

¹⁷ Jesus mi hulong dazi ala: Abun nga mi le sunda teteu, an nga ni le sunda hina mi.

Jean 5:17 Referans Kwoze

Jean 14:10

Ang nga he gagazid’a ala an nga kur Abunu, Abun mi nga kurun mi d’uo zu? Zla d’a an nga ni dagizi d’a wanda ni manda d’i, nAbun ma nga kuruna ba, nga mi ndak vun sun mamba.

Jean 9:4

Kid’a afata nga tua d’a, mbeî ei lei sunda hi mam ma sununïna, kayam andjeged’a nga d’i mba, sa ndak á le sunda kurut ti.

Kolos-sâ 1:16

Alona mi lahlena pet ni ki mamu, nala, ahle suma sä akulona kahle suma yam andagad’ina kahle suma a nga wazi ki irina kahle suma bei wazi ki irina, suma ad’enga ki suma suliyod’a ki suma te yamba ki suma te leud’a. Alona mi lahlena pet ni ki mamu, ni kam mam mi.

1 Korente-na 12:6

D’al ma le sunda teteng nga, wani Alona tu ni ma nga mi hei d’alâ á lum sundina.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Sunda hi suma a sunuzinid’a 17:28

D’igi sana tu mi dala: Ni kayam mamu, ei nga karid’a, ei nga mbud’i teya, ei nga mi. D’igi magi suma ding suma hle sawala a de na ala: Ei ni groma mi.

Isai 40:26

Agi hlagi iragi akulo, agi gologiya. Ni nge ba, mi lahle ndazina ge? Ni mam ba, mi lahle ndazina ki zla tazi wan pepet tuo zu? Mi yazi ki simiyêzi gagang, ata ad’eng mam mba ngola ki sib’ik mamba mi. Ma kid’ak siminina nga d’i.

Sunda hi suma a sunuzinid’a 14:17

Wani burâ ki burâ mam tamba nga mi tagï djivi mam mba mi lata woi akulo. Nga mi se kagiya, agi nga dud’ugi awuna vun simetna, nga mi hagi tena, nga mi hobogi hayagi ki tena, agi nga lagi furîd’a mi.

Matiye 10:29

Hira mbà a guzut ni ki sisid’a tu d’uo zu? Wani ta tu d’a adigazi d’a nde kä bei minda hAbugid’a nga d’i.

Sawal la giled’a 65:6

Alo man ma suta, kayam d’ingêr manga ang nga hulongômi humba nata ahle suma atchapma. Ni ang tu ba, suma yam andagad’ina pet ki suma avun dabid’a halum ma ngolîna, a tin huruzi ni kangû.

Jean 5:16

Kayam ndata, Juif-fâ a nde hal Jesus ki zlad’a, kayam mi lahle ndazina ni kur bur ma sabatna.

Jean 5:18

Kayam ndata, Juif-fâ a nga halam ngola á tchum mbei ni kayamba mi b’la’î bur ma sabatnid’a hol li, wani nga mi yi Alona ala Abumu, nga mi mbut tam dedege d’igi Alona na mi.

Jean 10:36

ni nana ba, agi nga dagi yam an ma Abun mi manan mi sununï kur duniyad’ina ala: Ang nga las Alona, ni kayamba an dala: An nAlona Goroma d’a zu?

1 Tasaloni’â 2:13

Kayam ndata, ami nga lami mersi mAlona teteu kayamba agi vagi zlad’a hAlona d’a ami tchagizi walata, nga d’igi zlad’a hi sumid’a na d’i, wani d’igi zlad’a hAlona d’a gagazid’a na. Kayam zla ndata nga d’i le sunda kur agi suma hagi gagazid’ina.