Jean 4:18 - Bible azumeina

¹⁸ Kayam ndak vik andjuveina woi vahl, wani ma ndak nga ki sed’em tchetchem wana ni ndjuvuk ki. Ka ndata, ndak de nata yad’u.

Jean 4:18 Referans Kwoze

Jeremi 3:20

Wani an Ma didina ni dagi ala: Agi Israel-lâ, agi mbud’un iran d’igi atchad’a ti mbut ir ndjuvut na.

Marik 10:12

Le atchad’a ti ar ndjuvut tei ti i ve ma dingâ ni, ti le ni mizeuna mi.

Romê-na 7:3

Kayam ndata, le ti ve mandjuf ma dingâ kid’a ndjuvut nga karid’a tua d’a ni, a mba yat ala atcha d’a mizeuna. Wani le ndjuvut mi mid’a ni, ti but wa woi kur gat ndata. Le d’i ve mandjuf ma dingâ pî, a mba yat ala atcha d’a mizeuna d’uo d’a.

Ezekiyel 16:32

Nda’î d’igi atcha d’a mizeu d’a ar zla d’a ti bur ki ndjuvuta woi ta, ti i burî ki suma dingîd’a na.

Wana ni mbaktum mba a b’irit yam Rut-ta 4:10

An nga ni ve Rut ta Mowap pa atchad’a hi Malon-nda kayam blangâm sil lei d’i, kayam andjavam mi i avogovok aduk sum mama, ata yima a min zlad’a kua na mi. Agi ni glangâs mana mi.

Ndumba 5:29

Wana ni gat ta yam djib’er ra mbàmbàd’id’a, ata yima atchad’a ti b’lak tat ti bur ki sama dingîna,

Ad’u Tinda 34:31

Azi hulong dum ala: Sana mi ndak á lami wiyemid’a d’igi atcha d’a gaulangâ hina zu?

Ad’u Tinda 34:2

Sikem, Hamor amul ma Hef ma yam andaga ndatina goroma, mi wad’u, mi vad’u, mi bur ki sed’et mi b’lagad’u.

Ad’u Tinda 20:3

Wani Alona mba mi de mi Abimelek adïd’a andjege ala: Ang mba mit kayam atcha d’a ang vata, kayam ndat natchad’a hi sanid’a.

Hebre-na 13:4

Ar tela ti ka’î vama hud’a avok suma pet. Ar atchad’a ki ndjuvut a ka’î suma d’engzengâ aduk taziya, kayam Alona mba mi ka sariyad’a yam suma e’eûd’a ki suma mizeuna.

Jean 4:17

Atcha ndata ti hulong dum ala: An nga ki mandjuf fi. Jesus mi dat ala: Ndak de nata yat ala: An nga ki mandjuf fuo d’a.

Jean 4:19

Atcha ndata ti dum ala: Banana, an we angî ma djok vun Alona.

Ezekiyel 16:35

Ndak atcha d’a gaulangâ, ndak hum zlad’a hi an Ma didinid’a.

Jean 4:16

Jesus mi dat ala: Ndak i yi ndjuvugu, ndak hulongîya.