Jean 3:8 - Bible azumeina

⁸ Simetna nga mi sira yima mi min i kuana. Ang nga hum siwel mamba, wani ang nga we yima mi tcholï kuana d’i, d’oze yima mi i kuana d’uo mi. Suma pet suma Muzu’â hAlonina mi vud’uzina, ni hina mi.

Jean 3:8 Referans Kwoze

1 Korente-na 2:11

Ni nge aduk suma ba, mi we djib’era hi sanid’a ge? Ni muzuk ma nga kuruma hol li? Hina mi, sana mi ndak á we djib’era hAlonid’a d’i, ni Muzu’â hAlonina hol.

Sunda hi suma a sunuzinid’a 2:2

Ata yi máma na wat, siwel la dinga tcholï akulo d’igi babar ma ngol ma mi le bibi’â na, ti oî gong nga azi nga kuad’a.

Ezekiyel 37:9

Bugola, Ma didina mi dan ala: Ang gor sana, ang djok vuna mi Muzu’â, ang dum ala: Salad’a Ma didina mi dang ala: Ang Muzu’â, ang tcholï abo yima fid’ina, ang mbeï fo yam mad’a sum ndazina kayam a zlit akulo.

1 Jean 2:29

Le agi wagi Christ ala ni Ma d’ingêrâ ni, ar agi wagi ala nge nge pî ma nga mi le d’ingêrina ni ma Alona mi vud’uma mi.

Sunda hi suma a sunuzinid’a 4:31

Kid’a azi tchen Alonid’a, yima azi nga tok kuana mi yir gigidji, azi pet a oî ki Muzuk ma bei tchod’a ba na, a nga de zlad’a hAlonid’a ki hur ma ade’esâ.

1 Korente-na 12:11

Ni Muzuk ma tu máma ba, nga mi lahlena wana pet. Mi b’rau he d’a hawad’a teteng mi nge nge pî ata min mamba.

Jean 1:13

Sum ndazina, a vud’uzi nga ni vuta hi suma d’igi sana mi vut goroma na d’i, wani Alona mi vud’uzi ni mamu.

Sawal la giled’a 107:29

Mi d’el babarâ; babarâ tchol b’et, abilâ ba mi.

Sawal la giled’a 107:25

Mi de zlad’a, babar ma ngolâ mi tchol akulo bibik, mi labilâ ngola heî mi.

Sawal la giled’a 135:7

Nga mi ka d’ugula akulo avun dabid’a handagad’id’a, nga mi wile á se alona, nga mi buzugï simetna woi ata yi mam ma ngei ahlena.

Ma tchi wala 1:6

Bur ma dingâ simetna nga mi sir iram abo ma sutna, bur ma dingâ nga mi sir iram abo ma norâ, nga mi ngui tita balum asem burâ ki burâ. Bugola, mi hle lovot ta mi hlat adjeud’a.

Jean 3:7

Ang le atchap yam mba an dang ala: Agi vud’ugi ni vut ta awilid’a d’a d’i.

Jean 3:9

Nikodem mi hulong dum ala: Ni nana ba, va máma mba mi ndak á led’a ge?