Jean 3:5 - Bible azumeina

⁵ Jesus mi hulong dum ala: Gagazi, an nga ni dangû, le a vut nga sana ki mbina ki Muzu’â hAlonina d’uo ni, mi ndak á kal kur leud’a hAlonid’a d’i.

Jean 3:5 Referans Kwoze

Sunda hi suma a sunuzinid’a 2:38

Pierre mi dazi ala: Agi mbud’ugi hurugi yam tcho magid’a, nge nge pî adigagi mi le batemba ki simiyê Jesus Christ, kayam Alona mi vat hurum mbei yam tcho magid’a. Hina wani, Alona mba mi hagi Muzuk ma bei tchod’a ba na hawa.

Efes-sâ 5:26

Mi mbuzut tei yed’et ki mbina, nala, zlad’a hAlonid’a, mi tinit irat vat mAlona mi.

1 Pierre 3:21

Mbiyo máma ni vama hle tam ki batem mba sud’ugi ki ka tchetchem wanda. Ni d’a pat ndjendjed’a hi hliuna woid’a d’i, wani ni ki tchen nda kuri krovo d’a irata ata Alona. Ni batem mba sud’ugi yam tchola hi Jesus Christ-sa akulo aduk suma matnid’a.

1 Korente-na 6:11

Suma dingâ adigagi adjeu ni hina mi. Wani ki tchetchemba, Salad’a Jesus Christ ki Muzu’â hAlo meinina a mbud’ugi wa woi yed’et kur tchod’a, a tinigi wa iragi vagi mAlona, a mbud’ugi wa d’ingêr avok Alona mi.

Matiye 3:11

Anu, an nga ni lagi batemba kayambala agi mbud’ugi hurugiya d’a, wani ma nga mi djï blogona, mi kalan kad’enga. An ndak á zi atuguru mama d’i. Ni mam ma mba mi lagi batemba ki Muzuk ma bei tchod’a ba na kakud’a mi na.

Jean 3:3

Jesus mi hulong dum ala: Gagazi, an nga ni dangû, le a vut nga sana vut ta awilid’a d’uo ni, mi ndak á we leud’a hAlonid’a d’i.

Marik 16:16

Sama mi he gagazid’a a mba lum batembina, mba mi fe suta, wani sama mi he nga gagazid’a d’uo na, sariyad’a mba d’i vumu.

1 Korente-na 2:12

Wani ei vei nga ni muzuk ma yam andagad’a ka hina d’i, wani ei vei ni Muzuk ma tcholï ata Alonina, kayam ei ndak á wei ahlena pet suma Alona mi heizi yam suma mambina.

Jean 1:13

Sum ndazina, a vud’uzi nga ni vuta hi suma d’igi sana mi vut goroma na d’i, wani Alona mi vud’uzi ni mamu.

1 Jean 5:1

Nge nge pî ma mi he gagazid’a ala: Jesus ni Christ-zu na, Alona mi vud’um mi mamu. Nge nge pî ma nga mi le yam Abum Alonina, mi le ni yam goroma mi.

1 Jean 2:29

Le agi wagi Christ ala ni Ma d’ingêrâ ni, ar agi wagi ala nge nge pî ma nga mi le d’ingêrina ni ma Alona mi vud’uma mi.

Galat-na 6:15

Kayam bayâ d’a ngata ni va d’i, bei ngat bayâd’a ni va d’uo mi. Wani sama mi vut vut ta awilid’ina ni va.

Romê-na 14:17

Kayam leud’a hAlonid’a nga ni yam vama te d’oze vama tche d’uo mi, wani ni d’ingêra, b’leng nga halasa ki furî d’a Muzuk ma bei tchod’a ba na mi heizid’a.

Matiye 28:19

Kayam ndata, agi igiya, agi mbud’ugi andjaf suma pet man suma hata, agi lazi batemba ki simiyê Abun ki simiyê an Gorâ ki simiyê Muzuk ma bei tchod’a ba na mi.

Matiye 18:3

Gagazi, an nga ni dagiya, le agi mbud’ugi nga tagi d’igi gogor ma wana hina d’uo ni, agi mba kalagi kur leu d’a akulod’a d’i.

1 Pierre 1:2

Agi ni suma Abui Alona managi yam min mamba avok dei á mbud’ugi sum mama yam Muzuk mama á gagi yagi kä avok Jesus Christ ma mi mbuzugi woi yed’et ki buzuwama. Ar Salad’a mi vagi sumad’a ki b’leng nga halasa avogovogo.

Sunda hi suma a sunuzinid’a 3:19

Kayam ndata, agi mbud’ugi hurugi yam tcho magid’a, agi hud’ugi gen Alona mi, kayam mi hazagi tcho magid’a woyo.

Wana ni Zla d’a Djivi d’a Luc mi b’irita 13:3

An nga ni dagiya, nga na d’i. Wani le agi mbud’ugi nga hurugi yam tcho magid’a d’uo ni, agi mba bogi ni d’igi azi na mi.

Matiye 5:20

Kayam ndata, an nga ni dagiya, le d’ingêr magid’a kal nga d’a hi suma hat gata ki d’a hi Fariziyênid’a d’uo ni, agi mba kalagi kur leu d’a akulod’a d’i.

Romê-na 8:2

Kayam gata hi Muzu’â hAlonina d’a nga d’i he arid’a mi suma a zlap tu ki Jesus Christ-sîd’a, ti bud’un ndei kur gata hi tchod’id’a ki gata hi matnid’a mi.

Wana ni Zla d’a Djivi d’a Luc mi b’irita 13:24

Agi b’ad’agi tagi á kal avun agrek ma mbed’etna, kayam an nga ni dagiya, suma ablaud’a a mba hal lovota á kal kua, wani azi mba ndak ki.

Wana ni Zla d’a Djivi d’a Luc mi b’irita 13:5

An nga ni dagiya, nga na d’i. Wani le agi mbud’ugi nga hurugi yam tcho magid’a d’uo ni, agi mba bogi ni d’igi azi na mi.

Matiye 19:24

An nga ni dagi kua: Nafefeta mi djambala á kal kur zul la libirâ, kal la ma ndjondjoîna mi kal kur leud’a hAlonid’a mi.

Matiye 21:31

Aduk suma mbà ndazina, sama mi le minda habumbina ni nge ge? A hulong dum ala: Ma avo’â. Jesus mi dazi ala: Gagazi, an nga ni dagiya, suma ve lombod’a azi karop suma gaulangâ a nga kal kur leud’a hAlonid’a avorogiya.

Marik 9:47

Le irang nga d’i ing kur tchod’a ni, ang pad’at teyo. Djivid’a kal la ang kal kur leud’a hAlonid’a ki irang mbeka tala a gang aduk Jahanama ki irang zla tat djagu d’a.

Marik 10:14

Kid’a Jesus mi we hina d’a, hurum mi zala, mi dazi ala: Agi aragi gugureina a mbeï gevenu. Agi d’elezi d’i, kayam leud’a hAlonid’a ni yam suma d’igi azi na na.

Jean 3:4

Nikodem mi djobom ala: Le sana mi mbut mamarâ da ni, dok hulong vud’um vut ta dinga ni nana ge? Mi ndak á hulong kur azì grona hasuma, ti hulong ti vud’um vut ta dinga zu?

1 Korente-na 15:50

B’oziyona, vama an min dagizina ba wana: Vama a lum ki hliuna ki buzunina mi ndak á kal kur leud’a hAlonid’a d’i, vama matna mi ndak á zlap ki vama bei matna d’uo mi.