Jean 3:27 - Bible azumeina

²⁷ Jean mi hulong dazi ala: Le Alona mi he va mi sa d’uo ni, sana mi ndak á le va yam tam mbi.

Jean 3:27 Referans Kwoze

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

1 Korente-na 4:7

Sama mbud’ung kal suma dingâ ni nge ge? Ni me ba Alona mi hangzi nga d’uo ge? Le mi hangziya ni, ni kayam me ba ang subur tang d’igi Alona mi hangzi hawa ni mam mbuo na ge?

1 Korente-na 15:10

Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

Amos 7:15

Ma didina mi vanï nad’u d’uwarâ, mi dan ala: Ang i djok vuna mi man suma Israel-lâ.

Matiye 25:15

Mi he mi ma tuna gurzu talanda vahl, mi he ma hina mbà, mi he ma hina tu mi, nge nge pî ndak yam ad’eng mama. Mi ge tam mi iya.

Jeremi 17:16

Ma didina, Ni an ba ni noî á mbut mang ma pola d’i. An min nga ala ndaka ti mba yam suma d’uo mi. Ang we, kayam ang we zla d’a ndavunanda pet.

Jeremi 1:5

An wangî avok ka bei an kolong kur asung ba d’a; avok ka bei ang ndeï woi kur asung ba d’a, an tining irang vangû, an tining man ma djok vuna mandjaf suma.

Ndumba 17:5

Sama an manama, totogo mamba mba d’i d’uva. Hina wani, an mba ni d’el gureî d’a Israel-lâ a nga guruyôt kagid’a avogonu.

1 Timote 2:7

Kayam ndata, mi yan á tchi wala, mi tinin ma a sunuma á hat andjaf suma dingâ kur he gagazid’a, kur zla d’a irata mi. An nga ni de ni zla d’a gagazi d’a bei ka zlad’a ba d’a.

Matiye 21:25

Ma sunï Jean ma le suma batembina, nAlona d’oze ni suma zu? Azi nde tchi tazi gagad’a ala: Le ei dei wa ala: Alona mi sunumï ni mamu ni, mam mba dei ini ala: Ni kayam me ba, agi hagi gagazid’a kam mbuo ge?

Romê-na 12:6

Wani ei nga ki he d’a hawad’a teteng d’igi Alona mi heizi hawa na. Le sana adigei mi nga ki he d’a hawad’a á djok vun Alona ni, ar mi le hina kur ad’enga hi he gagazi mambid’a.

Marik 13:34

Bur máma mba mi ka’î d’igi sama mi i akoid’a yam andaga d’a dinga na. Mi ar aziyam abo azungeî mama á gola, mi he nge nge pî sun mamba á led’a, mi gat sama ngom vun azina ala mi kak ki ndjola.

Efes-sâ 1:1

Ni an Paul ma a sunuma hi Jesus Christ-sâ kur minda hAlonid’a. An nga ni b’ir mbaktum mba wanda mi agi suma hAlona suma avo Efes suma d’engzeng suma zlapa tu ki Jesus Christ-sâ.

Galat-na 1:1

Ni an Paul. An ni ma a sunuma hi sumina d’i, d’oze hi sa d’uo mi, wani ni hi Jesus Christ kAbui Alona ma mi tcholom akulo aduk suma matna karid’ina.

1 Korente-na 12:11

Ni Muzuk ma tu máma ba, nga mi lahlena wana pet. Mi b’rau he d’a hawad’a teteng mi nge nge pî ata min mamba.

1 Korente-na 3:5

Apolos ni nge ge? An Paul ni nge ge? Ami nazungeîna hAlona suma agi hagi gagazid’a yam wal mazi d’a tchid’ina. Nge nge pî adigami nga mi ndak vun sun nda Salad’a mi humzi á led’id’a.

Romê-na 1:5

Kayam ndata, Alona mi mbud’un ma a sunuma yam subura hi Christ-sa, kayam an mba kandjaf suma pet á hum gagazid’a, á ge yazi kä ad’um mi.

1 Korente-na 1:1

Ni an Paul ma Alona mi yan kur min mamba mi mbud’un ma a sunuma hi Jesus Christ-sâ, zlapa ki wiyeina Sosten.

Jean 6:65

Mi dazi kua ala: Ni kayam ndata ba, an dagi ala: Le Abun mi mal nga lovota mi sa d’uo ni, mi ndak á mba geven ndi.

Jean 10:41

Suma ablaud’a a mba gevemu, a dala: Jean mi le nga vama ndandal yam tu d’i, wani zla d’a pet ta mam dat yam sa mámid’a ni gagazi.