Jean 20:25 - Bible azumeina

²⁵ Kayam ndata, suma hat suma hiuna a dum ala: Ami wami Salad’a. Wani mi dazi ala: Le an gol mbil ponde ma aboma d’uo, ni nik tchitchid’an balum pondena d’uo, ni kal abon fefed’em mbuo mi ni, an nga ni he gagazid’a d’i.

Jean 20:25 Referans Kwoze

Jean 6:30

Kayam ndata, azi hulong dum ala: Ang le ni me ma simata ba, ami wamizi ami hami gagazid’a kang nge? Ang mba le ni suna me ge?

Marik 16:11

Wani ata yima ti dazi ala Jesus mi nga karid’a ndat wum mi na, azi he nga gagazid’a yam zla mata d’i.

Hebre-na 3:18

Ni suma lara ba, Alona mi gun tam kazi ala a mba kal ata yima tuk tad’a ki sed’em mbuo ge? Ni suma a kak djangûna ki sed’ema d’uo zu?

Hebre-na 3:12

B’oziyona, agi gologi tagi djiviya, ar sa adigagi mi kak ki hur ma tcho ma bei he gagazid’a á wal lei kAlo ma arina d’i.

Jean 21:7

Kayam ndata, ma hat ma Jesus mi le kam heîna, mi de mi Pierre ala: Ni Salad’a. Kid’a Simon Pierre mi hum ala ni Salad’a d’a, mi kleû baru mama atamu, kayam mam mi gandilad’a, mi ge tam kä á mbiyo.

Jean 1:41

Mi i fe wiyema Simon adjeu tua, mi dum ala: Ami fami wa Mesi, nala, Christ.

Wana ni Zla d’a Djivi d’a Luc mi b’irita 24:25

Jesus mi dazi ala: Agi ni suma bei ned’a suma bei he gagazid’a atogo yam ahle suma suma djok vun Alona a dazina.

Matiye 27:42

Mi sut suma dingâ, wani mi ndak nga á sut tam mbi. Le mam namulâ hi Israel-lîna ni, mi tchugï asem kä tchetchem ata agu ma b’ala, ei mba hei gagazid’a kamu.

Sawal la giled’a 78:32

Hina pet pî, azi ar nga bei le tchod’a d’i, azi he nga gagazid’a yam sun mam mba ndandala d’uo mi.

Wana ni mbaktumba hi Job-pa 9:16

Le an yiya, mi humun pî, an nga ni we tetet tala mi tin humam á humun delenu d’a d’i.

Sawal la giled’a 22:16

Delen nda horzlomba ti so kaka d’igi lubu ma ab’lorina na, sinan b’al akulo ata d’id’iganu, ang aran kä aduk guguma d’igi sama matna na.

Marik 16:13

Azi hulong i de mi ndroyozi suma dingâ, wani a he nga gagazid’a yam zla mazid’a d’uo mi.

Marik 16:14

Bugola, Jesus mi nde tam mbei ir suma hat suma dogo yam tuna, ata yima azi nga avun tenina. Mi ngobozi yam bei he gagazi mazid’a, yam hur mazi ma b’al ma a he nga gagazid’a yam suma a wum bugol tchol mamba d’uo na mi.

Jean 20:27

Bugola, mi de mi Toma ala: Ang mad’ï tchitchid’angû, golon abonu. Ang mad’ï abongû, kalam ata fefed’enu. Ang kak bei he gagazid’a d’i, wani ang he gagazid’a.