Jean 2:22 - Bible azumeina

²² Kayam ndata, ata yima Alona mi tcholom akulo aduk suma matnina, mam suma hata humazi gazi yam zla d’a mi data, a he gagazid’a yam zla d’a a b’irit kur mbaktumba hAlonid’a, yam zla d’a Jesus mi data mi.

Jean 2:22 Referans Kwoze

Jean 12:16

Mam suma hata a we nga ad’u zla ndata avok ki, wani kid’a Alona mi hlum akulo mi suburumba, humazi gazi yam zla d’a mbaktumba hAlonid’a ti dat kamba kahle suma azi lazi ki sed’ema mi.

Jean 16:4

Wani an dagi ahle ndazina hina, kayam fata yi máma mbad’a, agi mba djib’eregi yam zla d’a an dagizid’a. Jesus mi dazi kua ala: An dagi nga ahle ndazina avok kei d’i, kayam an nga ki sed’egiya.

Jean 14:26

Wani Ma ndjunda, nala, Muzuk ma bei tchod’a ba ma Abun mba sunumï ki simiyêna, mam mba mi had’agi ahlena pet, mba mi gagi humagi yam ahlena pet suma an dagizina mi.

Sawal la giled’a 16:10

Kayam ang mba aran kä ata yima azuleina d’i, ang mba ar mang ma d’engzengâ kä kur zula á tchimba d’i.

Jean 2:17

Mam suma hata, humazi gazi yam zla d’a a b’irit kur mbaktumba hAlonid’a ala: Alo mana, tan nga d’i lan zlezleû yam gong manga d’a.

Sunda hi suma a sunuzinid’a 11:16

Human gan yam zla d’a Salad’a mi dat ala: Jean mi le suma batemba ni ki mbina, wani an mba ni lagi batemba ni ki Muzuk ma bei tchod’a ba na d’a.

Jean 2:11

Wana ni vama simat ma avok kikidji ma Jesus mi lum kur Kana d’a Galile-d’ina. Mi tak subur mamba woyo, mam suma hata a he gagazid’a kam mi.

Wana ni Zla d’a Djivi d’a Luc mi b’irita 24:44

Mi dazi kua ala: Wana ni zla d’a an dagizi kid’a an nga ki sed’egi tua d’a. An dagi ala: Mbeî ahlena pet suma a b’irizi kan kur gata hi Moise-sa, kur mbaktumba hi suma djok vun Alonid’a, kur Sawal la Giled’a mi na, a mba ndaga.

Wana ni Zla d’a Djivi d’a Luc mi b’irita 24:26

Mbeî Mesi mi fe ndaka yam ahle ndazina tua ba, mi kal kur subur mamba d’uo zu?

Jean 2:2

A yi Jesus ki mam suma hata ata yima tela mi.

Sunda hi suma a sunuzinid’a 13:33

Kid’a Alona mi tchol Jesus akulo aduk suma matnid’a, mi ndagat vunat mi ei grozi ngolona. D’igi a b’ir kur Sawal la Gile d’a mbàd’a na ala: Angî Gorona, an vud’ung wa ini.