Jean 19:4 - Bible azumeina

⁴ Pilat mi hulong ndabu kua, mi dazi ala: Agi gologiya! An mbagizi woi abu wana, kayam agi wagi ala an fe nga zla kam mbi.

Jean 19:4 Referans Kwoze

Jean 19:6

Kid’a nglo suma ngat buzuna ki suma a ngom yina a wumba, a de ki delezi akulo ala: B’alam akulo ata aguna, b’alam akulo ata aguna. Pilat mi dazi ala: Agi tagi vagiziya, agi b’alagizi akulo, kayam an fe nga zla kam mbi.

Jean 18:38

Pilat mi dum ala: Gagazid’a ni me ge? Kid’a Pilat mi de zla ndata dad’a, mi hulong ndabua, mi i gen Juif-fâ, mi dazi ala: An fe nga zla kam tu d’i.

Wana ni Zla d’a Djivi d’a Luc mi b’irita 23:4

Pilat mi de mi nglo suma ngat buzuna azi kablau suma ala: An fe nga zla yam sa máma d’i.

Wana ni Zla d’a Djivi d’a Luc mi b’irita 23:47

Ata yima ma ngol ma azigarâ abom kis ma Romê-na mi wahle suma a lenina, mi gile Alona mi dala: Gagazi, sa máma ni sama d’ingêrâ.

1 Jean 3:5

Agi wagi ala Jesus Christ mi nde tam mbei ná hle tchod’a hi sumid’a woyo. Tchod’a nga kurum mbi.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.

1 Pierre 2:22

Mam le nga tchod’a d’uo, a hum nga zla d’a kad’a avunam mbuo mi.

1 Pierre 1:19

Wani mi wuragagi woi ni ki buzu ma kal teglesâ hi Christ-sâ. Christ ni d’igi Gor timi ma bei tchod’a ma bei ndala atam ba na na.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Wana ni Zla d’a Djivi d’a Luc mi b’irita 23:41

Sariya meid’a ni d’ingêr, kayam ei fei ni wuraka yam sun mei d’a led’a, wani sama wana mi le nga tcho d’i.

Matiye 27:54

Ma ngol ma azigarâ abom kis ma Romê-na azi ki suma a nga ki sed’em á ngom Jesus-na, kid’a a we yira handagad’a kahle suma a lenid’a, a le mandarâ, a dala: Gagazi, sa máma nAlona Goroma.

Matiye 27:24

Ata yima Pilat wala mam ndak á le va d’uo na, wani yala nga mi i avogovogo, mi gul mbina, mi mbus abom avok ablau suma. Mi dazi ala: Buzuna hi sama d’ingêr mámina nga kan ndi, ni zla magid’a.

Matiye 27:19

Kid’a Pilat mi nga kaka yam zlam mba ka sariyad’a tua d’a, amamba geï sunda atamu. Ti dum ala: Ang le va ki sama d’ingêr máma d’i, kayam adïd’a dan kama andjege ngola yam zla mamba.

Matiye 27:4

Mi dazi ala: An le tchod’a, kayam an he sama d’ingêrâ á tchid’a. Wani azi dum ala: Ndolomi d’ei? Ni zla manga.

Hebre-na 7:26

Jesus ni Ma ngol ma ngat buzu ma ndak memet keina, ni Ma d’ingêrâ, ni Ma bei zlad’a kama, ni Ma bei le tchod’a ba na. Alona mi walam mbei ki suma le tchod’a, mi hlum sä kur akulod’a gevemu.

Jean 18:33

Kayam ndata, Pilat mi hulong kur azina hi ma te yambina, mi yi Jesus, mi dum ala: Angî amulâ hi Juif-fîna zu?