Jean 19:17 - Bible azumeina

¹⁷ Jesus mi hlagu mam ma b’ala, mi nde ki woi abua, mi i ata yima a yum ala Asok yamba na, a yum ki vun Hebre-na ala Golgota.

Jean 19:17 Referans Kwoze

Wana ni Zla d’a Djivi d’a Luc mi b’irita 23:33

Kid’a azi mbaza ata yima a yum ala Asok yamba na, a b’alam akulo ata yi máma ki suma tcho ndazina, tu ata bigam mba ndjufa, tu ata bigam mba gulad’a mi.

Wana ni Zla d’a Djivi d’a Luc mi b’irita 14:27

Nge nge pî le mi hle nga agu mam ma b’ala mi tit nga ki ad’un nduo ni, mi ndak nga man ma hata d’i.

Wana ni Zla d’a Djivi d’a Luc mi b’irita 23:26

Kid’a azigarâ a nga i ki Jesus-d’a, a ngaf sama Siren-na simiyêm ala Simon, mi tcholï nabageya. A vumu, a hlum agu ma b’ala kam ala mi i ki bugol Jesus.

Sunda hi suma a sunuzinid’a 7:58

A tanam mbei bugol azina, a durum kahinad’a, a tchumu. Suma glangâsâ a tchuk baru mazi ma ngolâ kä asem gor azongâ, simiyêm ala Saul.

Marik 15:32

A dala: Ar Mesi, amulâ hi Israel-lîna, mi tchugï asem ka tchetchem ata agu ma b’ala, kayam ei weya, ei hei gagazid’a kamu. Suma b’alazi ki sed’ema a ngulum mi.

Wana ni Zla d’a Djivi d’a Luc mi b’irita 23:38

Pilat mi b’ir kam akulo ala: Wana namulâ hi Juif-fîna.

Wana ni Zla d’a Djivi d’a Luc mi b’irita 9:23

Mi dazi pet ala: Le sana mi min á tit balum asenu ni, ar mi noî tamu, mi hlagu mam ma b’ala burâ ki burâ, mi tit ad’unu.

Marik 15:26

Zla d’a a tchugumzi kamba, a b’irit akulo kam ala: Namulâ hi Juif-fîna.

Marik 10:21

Kid’a Jesus mi golomba, hurum vumu, mi dum ala: Ang kid’ak va tu, ang i gus ahligiyeng suma ang nga ki na woi pet, ang he bege ndata mi suma hohoud’a. Hina wani, ang mba fahle suma ndjondjoîna sä akulo. Bugola, ang mbeï ad’unu.

Marik 8:34

Ata yi máma, Jesus mi yï ablau suma ki mam suma hata gevemu, mi dazi ala: Le sana mi min á tit balum asenu ni, ar mi noî tamu, mi hlagu mam ma b’ala kamu, mi tit ad’unu.

Matiye 27:37

Zla d’a a tchugumzi kamba a b’irit akulo ala: Wana ni Jesus amulâ hi Juif-fîna.

Matiye 16:24

Ata yi máma, Jesus mi de mi mam suma hata ala: Le sana mi min á tit ad’unu ni, ar mi noî tamu, mi hlagu mam ma b’ala kamu, mi tit ad’unu.

Matiye 10:38

Sama hlagu mam ma b’ala mi tid’ï ad’un nduo na, mi ndak nga sa mana d’i.

1 Amuleina 21:13

Suma asa’at suma mbà ndazina a mba tchol avok Nabot, a nde tchugum zlad’a kam avok suma pet ala: Nabot, ang ngul Alona, ang ngul amulâ! Ata yi máma sumazina a i ki sed’em mbei bugol azina, a durum kahinad’a baba, a tchumu.

Sunda hi suma hi Levi-nid’a 24:14

Ang nde ki ma lazan simiyên máma woi kur kangâ. Suma a hum ngul ndata ki humazina a tin abozi kamu, ablau suma pet a durum kahinad’a, a tchumu.

Ad’u Tinda 22:6

Abraham mi hlagu ma a ngal ki vama ngat buzunina, mi hum yam goroma Isak, mi hlakud’a ki mbigeud’a abomu; azi djak a i ad’u taziya.

Jean 5:2

Gringâ mi nga avo Jerusalem, a ve nga azangâ vahl avunamu, ni ma a yum ki vun Hebre-na ala Betesda-na, mi ni go ki vun agre’â hi tumiyônina.

Jean 19:13

Kid’a Pilat mi hum zla ndatid’a, mi nde ki Jesus abua, mi kak kä yam zlam mba ka sariyad’a. Yi máma simiyêm ala Atranga, a yum ki vun Hebre-na ala Gabata.