Jean 19:15 - Bible azumeina

¹⁵ Kayam ndata, azi de ki delezi akulo ala: Tchum mbeyo, tchum mbeyo, b’alam akulo ata aguna. Pilat mi djobozi ala: An b’alagi amul magina akulo zu? Nglo suma ngat buzuna a hulong dum ala: Ami nga kamul ma ding ngi, ni Sesar tu.

Jean 19:15 Referans Kwoze

Wana ni Zla d’a Djivi d’a Luc mi b’irita 23:18

Wani azi pet de ki delezi akulo ala: Ang tchi sa máma, ang gami Barabas akulo.

Sunda hi suma a sunuzinid’a 22:22

Suma a hum Paul gak ata yima mi mba ata zla ndatina. Ata yi máma, a er ad’uzi akulo ala: Sama hina na, tchum mbeyo, mi ndak á kak karid’a d’i.

Sunda hi suma a sunuzinid’a 21:36

Kayam ablau suma a mbeï blogomu, a nga er ad’uzi akulo ala: Tchum mbeyo!

Jean 19:6

Kid’a nglo suma ngat buzuna ki suma a ngom yina a wumba, a de ki delezi akulo ala: B’alam akulo ata aguna, b’alam akulo ata aguna. Pilat mi dazi ala: Agi tagi vagiziya, agi b’alagizi akulo, kayam an fe nga zla kam mbi.

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

Jean 18:31

Kayam ndata, Pilat mi dazi ala: Agi vagiziya! Agi tagid’a kagi sariyad’a kam yam gat magid’a. Juif-fâ a dum ala: Gat magid’a arami nga lovota á tchi sa d’i.

Matiye 22:17

Ang dami go, ang djib’er nana ge? Djivid’a ei hei lombod’a mamulâ Sesar roze ei hum mbuo zu?

Sunda hi suma a sunuzinid’a 13:28

Azi fe nga zla d’a ndak á tchid’id’a kam mbuo pî, a tchen Pilat ala mi tchum mbeyo.