Jean 18:40 - Bible azumeina

⁴⁰ Ata yi máma, azi hulong de ki delezi akulo kua ala: Hawa! Ang gami ni mam mbi, wani ang gami ni Barabas akulo. Barabas máma ni ma kul ma tchi matna.

Jean 18:40 Referans Kwoze

Wana ni Zla d’a Djivi d’a Luc mi b’irita 23:25

Mi ge sama suma Romê-na a gum kur dangeinina akulo, ni ma zut suma a tchol huneîd’a ki suma te yamba hur azinina, mi tchi matna mi, ni ma azi tchenem kam ala mi gazizi akulona. Wani mi hazi Jesus á lum vama huruzi mina.

Marik 15:15

Kayam Pilat mi min á b’leng hur ablau suma, mi gazi Barabas akulo. Mi to Jesus ki blafâ, mi hazizi ala a b’alam akulo ata aguna.

Marik 15:7

Wani sana mi nga kur dangeina a yum ala Barabas, zlapa ki ndrom suma bei hum vun suma te yambina, kayam a tchi matna kur huneî mazid’a.

Matiye 27:26

Ata yi máma, Pilat mi gazi Barabas akulo, wani mi to Jesus ki blafâ. Mi hazizi ala a b’alam akulo ata aguna.

Matiye 27:16

Kur bur máma, azi nga ki sama dangei ma simiyêm nga yi heîna, simiyêm ala: Jesus Barabas.

Matiye 26:55

Ata yi máma, Jesus mi de mablau suma ala: Agi mbagi ki mbuguyo suma fuyogeina ki tutuguyona abogi á van d’igi sama kula na? Burâ ki burâ an nga kaka kur gong nga kud’ora hAlonid’a, nga ni hat suma, wani agi van nga d’i.