Jean 18:4 - Bible azumeina

⁴ Jesus mi wahlena pet suma a nga mba kama. Kayam ndata, mi nde tam mbei iraziya, mi dazi ala: Agi halagi ni nge ge?

Jean 18:4 Referans Kwoze

Jean 13:1

Avok vun til ma Pa’â, ata yima Jesus mi we ler mam mba mba go á ar duniyad’a á hulong gen Abuma, mi le yam mam suma kur duniyad’ina le d’a kal papad’a.

Jean 18:7

Kayam ndata, mi djobozi kua ala: Agi halagi ni nge ge? Azi dum ala: Jesus ma Nazarat-na.

Sunda hi suma a sunuzinid’a 2:28

Ang tagan lovot ta i kur arid’id’a. Ang mba oyôn ki furîd’a avorong mi.

Sawal la giled’a 27:3

Le b’ranga ndjar á dur ki sed’en pî, an mba ni le mandar ri; le azi tchol á dur ayîna ki sed’en pî, vunadigan mba d’i tumun nduo mi.

Jean 19:28

Bugol ahle ndazina, Jesus mi wala ki tchetchemba ahlena pet a ndak wa memet. Kayam mi min ndak zla d’a a b’irit kur mbaktumba hAlonid’a, mi dala: Vunan so.

Jean 13:11

Jesus mi we wa ma mba mi hum abo sumina. Ni kayam ndata ba, mi dala: Agi nga ni yed’et pet ti.

Jean 6:64

Wani suma hiuna a nga adigagi bei he gagazid’a. Jesus mi de hina kayam mi we suma bei he gagazid’ina avok dei ki ma mba mi hum abo sumina mi.

Wana ni Zla d’a Djivi d’a Luc mi b’irita 24:44

Mi dazi kua ala: Wana ni zla d’a an dagizi kid’a an nga ki sed’egi tua d’a. An dagi ala: Mbeî ahlena pet suma a b’irizi kan kur gata hi Moise-sa, kur mbaktumba hi suma djok vun Alonid’a, kur Sawal la Giled’a mi na, a mba ndaga.

Matiye 26:31

Jesus mi dazi ala: Kur andjege d’a inid’a, agi pet mba aran ndeyo, d’igi mbaktumba hAlonid’a ti de na ala: An mba ni tchi ma pola, ades tumiyôna mba mi b’rau woi yayak.

Matiye 26:21

Kid’a a nga avun tenid’a, Jesus mi dazi ala: Gagazi, an nga ni dagiya, sana tu adigagi mba mi han abo suma.

Matiye 26:2

Agi wagi ala ar burâ mbà, vun til ma Pa’â mba mi le, a mba han an Gor Sana abo suma á b’alan akulo ata aguna.

Matiye 16:21

Kur bur máma, Jesus mi nde mi de woi mi mam suma hata ala: Mbeî an i Jerusalem á fe ndaka ngola abo suma nglona azi ki nglo suma ngat buzuna ki suma hat gata mi. A mba tchanu, wani kur bur ma hindina, an mba ni tchol akulo aduk suma matna.

Zla d’a d’ogolâ 28:1

Sama asa’atna mi ringî bei sa mi digim ba, wani sama d’ingêrâ, mayîna ni d’igi azlo ma azongâ na.

Sawal la giled’a 3:6

An bur kä andjege, an bur sena; an zlit akulo, kayam Ma didina ni ma ngomona.

Nehemi 6:11

An hulong ni dum ala: Sama d’igi an na ni ring zu? Sama d’igi an na na ni ndak á kal kur gong nga kud’ora hAlonid’a á sut tandju? An nga ni kal li!

1 Amuleina 18:10

An nga ni dang ngei avok Alo mang Ma didin ma bei matna ba na. Ambas sa ar hawa bei salana mi sun kur á halanga nga d’i. Ambasa suma kurutna le a dala: Mi nga hatami d’uo d’a, a gun ni tazi mbeî ala azi wang nga d’uo.

1 Pierre 4:1

Kayam Christ mi fe ndaka kur hliwimu, ar agi minigi tagi ki djib’er ra tu ndata mi, kayam sama ve tam kur ndaka kur hliwima, mi wal lei ki tchod’a.

Jean 18:5

Azi hulong dum ala: Jesus ma Nazarat-na. Jesus mi dazi ala: An wana! Judas ma hum abo sumina, mi nga tchola ki sed’ezi mi.