Jean 17:24 - Bible azumeina

²⁴ Abunu, an min ala suma ang handjina a kak ki sed’en ata yima an mba ni kak kuana, kayam azi we subur man nda ang suburun ki d’a, kayam ang le kan avok dei bei ad’u tinda hi duniyad’id’a.

Jean 17:24 Referans Kwoze

Jean 17:5

Abunu, ki tchetchemba, ang suburun avorong ki subur ra an nga ki sed’et avorong avok dei bei led’a hi duniyad’id’a.

Jean 12:26

Le sana mi min á lan sunda ni, mbeî mi tit ad’unu, kayam yima an mba kak kuana, man ma sunda mba mi kak kua mi. Le sana nga mi lan sunda ni, Abun mba mi hum ngola.

Jean 14:3

Le an i wa ni min wa yina kagiya ni, an mba hulongî á yogi sä gevenu, kayam yima an nga kak kuana, agi mba kagagi kua mi.

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

1 Jean 3:2

Buniyôn suma od’a, ki tchetchemba, ei nAlona groma. Ei wei nga d’uo tua ei mba mbud’i ni nana, wani ei wei ala fata Christ mi nde woid’a, ei mba mbud’i dedege d’igi mam na, kayam ei mba wum mbei tetet.

Ad’u Tinda 45:13

Agi i dagi mi Iba yam pat man nda an nga ki sed’et avo Ezipte-d’a, agi dum yam ahlena pet suma agi wagizina, agi igi atogo, agi hlumî ka hî.

2 Korente-na 3:18

Wani ei suma a yoi baru d’a ka ira woi ireina, ei nga golei subura hi Ma didinid’a, ni d’igi sana mi gol iram kur kotroma na. Muzu’â hi Ma didinina nga mi mbud’i dedege d’igi Ma didina na kur subura kam kua kam kua kala.

Matiye 25:21

Salama mi dum ala: Djivi heî, ang azong ma djivi ma d’engzengâ. Ang le d’engzeng kahle suma akid’eina, an mba ni tining yam ahlena ablaud’a. Ang mbeï le furîd’a ki sed’enu.

1 Tasaloni’â 4:17

Bugola, ei suma arei ki irei tua na, Alona mba mi zlabei yod’a ki sed’ezi tu sä akulo kur d’ugula á d’ugol Salad’a akulo kur simetna. Hina wani, ei mba kagei ki Salad’a gak didin.

Wana ni Zla d’a Djivi d’a Luc mi b’irita 12:37

Azungeî suma salazina mba mi fazi ndjola ata yima mi hulongîna, a le furîd’a. Gagazi, an nga ni dagiya, mba mi djin d’ik mama furumu, mi kagazi kä avun tena, mba mi lazi sunda.

Vama ndum mbeina 3:21

Suma kus ayînina, an mba ni hazi yima kaka ki sed’en yam zlam man nda amula d’igi an tanda ni kus ayîna an nga kaka gen Abun yam zlam mam mba amula na mi.

1 Korente-na 13:12

Ki tchetchemba, ei nga wei woi tetet ti, d’igi sana nga mi gol tam kur kotroma na. Wani ata yi máma ei mba wei tei ira ki ira. Wani ki tchetchemba, an we nga tetet ti, wani ata yi máma an mba ni we woi tetet d’igi Alona nga mi wan tetet na mi.

Matiye 26:29

Gagazi, an nga ni dagiya, an dok tche süm guguzlud’a bugol luo d’a, gak kur bur ma an mba ni tche ma awilina ki sed’egi kur leud’a hAbundina.

Matiye 25:34

Ata yi máma, an amulâ mba ni de mi suma yam bigan nda ndjufina ala: Agi suma Abun mi b’e vunam kagina, agi mbeyegïya, agi tagi leu d’a a minit kagi kad’u tinda hi duniyad’a deid’a.

Filip-ma 1:23

Wani an nga hepa aduk ahle suma mbà ndazina. An djib’er ala le an i kak ki Christ-zu ni, ni vama kal teglesâ.

2 Korente-na 5:8

Kayam ndata, ami nga vami tamiya, ami minimi á wal ki hliu tad’a á i kagami ki Salad’a, djivid’a kala.

Wana ni Zla d’a Djivi d’a Luc mi b’irita 23:43

Jesus mi dum ala: Gagazi, an nga ni dangû, ang mba kak ini ki sed’en kur Paradis.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Vama ndum mbeina 21:22

An we nga gong nga kud’ora hAlonid’a kur azì máma d’i, kayam Salad’a Alo ma ad’engêm kal petna azi ki Gor timina a ni gong mamba.

Matiye 25:23

Salama mi dum ala: Djivi heî, ang azong ma djivi ma d’engzengâ, ang le d’engzeng kahle suma akid’eina, an mba ni tining yam ahlena ablaud’a. Ang mbeï le furîd’a ki sed’enu.

Jean 6:37

Suma Abun mi handjina pet a mba mba gevenu. Sama mba gevena, an mba ni gum mbei abu d’i,

Jean 6:39

Wana ni minda hi mam Ma sununïna ala suma mi handjina pet, ar an ba sa woi adigazi tu d’i, wani an tcholozi akulo aduk suma matna kur bur ma dabid’a.

Jean 8:58

Jesus mi dazi ala: Gagazi, an nga ni dagiya, avok bei a vut Abraham-mba, an nga.

Jean 15:9

D’igi Abun mi le kan na, an nga ni le kagi na mi. Ar agi kagagi kur o manda.

Jean 17:2

Ang han wa ad’enga yam suma pet, kayam an he ari d’a didinda mi suma pet suma ang handjina.

Jean 17:22

Subur ra ang suburun ki d’a, an suburuzi ki wa, kayam azi kak tu d’igi ei tu na mi.

1 Pierre 1:21

Ni yam mamba, agi hagi gagazid’a yam Alo ma tcholom akulo aduk suma matna ki suburina. Kayam ndata, he gagazi magid’a ki hur ma tin magina a ka’î yam Alona.