Jean 16:33 - Bible azumeina

³³ An dagi ahle ndazina, ni yam zlap pa tu d’a ki sed’enda ba, agi mba fagi b’leng nga halasa. Agi mba fagi vun ma djopa kur duniyad’a ka hî, wani agi vagi tagiya, an kus wa yam duniyad’a.

Jean 16:33 Referans Kwoze

Jean 14:27

An aragi b’leng nga halasa, an hagi b’leng nga halas manda, an hagizi nga ni d’igi suma duniyad’a a nga he na d’i. Ar hurugi mi hat ti, ar agi lagi mandar ruo mi.

1 Jean 5:4

kayam nge nge pî ma Alona mi vud’uma, nga mi kus yam duniyad’a. Vama kus yam duniyad’ina ni he gagazi meid’a.

2 Tasaloni’â 3:16

Ar Salei ma b’leng nga halasa, mi hagi b’leng nga halasa teteu ata yina pet. Ar Salad’a mi kak ki sed’egi pet mi.

1 Jean 4:4

Grona, agi ni suma hAlonina, agi kuzugi wa yam suma djok vun suma ka zlad’a, kayam Muzuk ma nga kurugina, mi kal muzuk ma nga kur suma duniyad’ina ki ngola.

Filip-ma 4:7

Hina wani, b’leng nga halasa hAlona d’a kal yam wad’ud’a peta, mba d’i ngomogi djib’er magid’a ki muzugagi yam Jesus Christ.

1 Pierre 5:9

Agi siragi kur he gagazi magid’a, agi tchologi ngingring á d’elem mi, kayam agi wagi ndak ka hina d’a nga d’i le b’oziyogi suma a b’rau woi kur duniyad’a petna mi.

Jean 14:1

Jesus mi dazi ala: Ar hurugi hat ti. Ar agi hagi gagazid’a yam Alona, ar agi hagi gagazid’a kan an mi.

2 Timote 3:12

Wani suma pet suma a min tit bugol Alona zlapa ki Jesus Christ-sâ, a mba djobozi vunazi mi.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

Vama ndum mbeina 3:21

Suma kus ayînina, an mba ni hazi yima kaka ki sed’en yam zlam man nda amula d’igi an tanda ni kus ayîna an nga kaka gen Abun yam zlam mam mba amula na mi.

Hebre-na 11:25

Kayam mam min fe ndaka ki suma hAlonina kal mam fe djivid’a kur tchod’a ata yima ndjö wana.

Vama ndum mbeina 7:14

An hulong dum ala: Salana, ang ba we. Mi dan ala: Azi ni suma a buzuk kei kur djop vun ma ngolâ, azi ni suma mbus baru mazi d’a fiyaka woi a mbud’ut hapa ki buzuna hi Gor timinina.

1 Tasaloni’â 3:7

Kayam ndata, b’oziyomina, kur ndak mamid’a ki djop vun mamina pet, ami hurumi b’leng yam he gagazi magid’a.

Vama ndum mbeina 12:11

B’oziyoina a kal kamî kad’enga hi buzuna hi Gor timinina ki zla d’a gagazi d’a azi tchat walata, a he tazi woi gak matna mi.

Kolos-sâ 1:20

Ni kayam ndata ba, Alona mba ki b’leng nga halasa yam buzuna hi Gorom ma djang ngei ata agu ma b’alina. Kayam ndata, Alona mi zlap ahlena pet darigïd’a ki mamu, nala, ahle suma yam andagad’ina kahle suma sä akulona mi.

2 Korente-na 1:3

Ar ei lei mersi mAlona, Abu Saleina Jesus Christ, Abui ma we hohowa sumina, ni Ma nga mi b’leng hur suma ata yima lara ge petna.

2 Korente-na 13:11

B’oziyona, vama arâ, ar agi kagagi lafiya. Ar agi kagagi ni suma ndak memetna, ar agi b’lengêgi hur tagiya, ar agi kagagi ki djib’er ra tud’a, ar agi kagagi ki b’leng nga halasa aduk tagi mi. Hina wani, Alo ma od’a ma b’leng nga halasa mba mi kak ki sed’egiya.

1 Tasaloni’â 3:4

Kid’a ami nga ki sed’egid’a, ami dagi woi adjeu ala ei mba fei djop vuna. Agi wagi ala mi mba wa da mi.

Galat-na 6:14

Wani an nga ni subur tan yam vama ding ngi. An subur tan ni yam agu ma b’ala hi Salad’a Jesus Christ-sâ hol. Ni kayam agu mam ma b’ala ba, an mit tei ata duniyad’a, duniyad’a ti mit tei atan mi.

2 Korente-na 7:4

An tin hurun kagiya, an nga ni subur tan kagi mi. An hurun b’leng ngola. Kur ndak mamid’a pet, an nga ni le furîd’a ngola mi.

Sunda hi suma a sunuzinid’a 27:25

Kayam ndata, agi buniyôna, agi vagi tagiya, an tin hurun yam Alona ala vama mi dandjina mba mi le.

Mise 5:5

A mba te yam ambas sa Asiri d’a hi Nimrot-ta ni kahle mazi suma sïna. Ata yima suma Asiri-na a mba mba yam ambas meid’a a mba kal yam andaga meid’ina, mam mba mi pad’ei woi aboziya.

Sawal la giled’a 68:18

Pus ma dur ayîna hi Ma didinina mablaud’a heî, mi ni dudubud’a ablaud’a mi. Salad’a mi tcholï ki sed’em Sinai, mi mba ata yam ma kak ma a tinim iram vama kur Siyon.

Galat-na 1:4

Ni Christ ma he tam mbei kei á sud’i woi kur tcho meid’a á pad’ei woi kur atchogoi d’a tcho d’a tchetchem wandina, kur minda hAbui Alo meinid’a.

Sunda hi suma a sunuzinid’a 9:31

Kayam ndata, suma toka hi Christ suma yam ambas sa Jude-d’a ki d’a Galile-d’a ki d’a Samari-d’a petna, tazi d’i tchuk simetna, a fad’enga, a nga i avogovok á le mandara Salad’a, Muzuk ma bei tchod’a ba na nga mi ndjunuzi mi.

Jean 12:31

Ki tchetchemba, sariyad’a nga yam duniya ndata, an mba ni dik ma te yam duniya ndatina woi abua.

Wana ni Zla d’a Djivi d’a Luc mi b’irita 2:14

Ei suburi Alo ma sä akulona! Ar mi he b’leng nga halas mamba yam andagad’a mi suma mi le kazina.

Sunda hi suma a sunuzinid’a 27:22

Ki tchetchemba, an nga ni dagiya, agi vagi tagiya, kayam sa adigagi tu pî mba mi ba woi d’i, ni batod’a hol ba, mba d’i ba woyo.

Wana ni Zla d’a Djivi d’a Luc mi b’irita 19:38

A dala: Ar Alona mi b’e vunam yam amul ma ngol ma mi mba ki simiyê Ma didinina. Agi suma sä akulona, agi kagagi ki b’leng nga halasa, agi suburugi Alona mi.

Sunda hi suma a sunuzinid’a 23:11

Kur andjege ndata, Salad’a mi nde tam mbei ir Paul, mi dum ala: Ang ve tangû, kayam d’igi ang le glangâs mana ka hî avo Jerusalem na, mbeî ang mba le glangâsâ avo Rom mi.

Hebre-na 7:2

Abraham mi pad’am vun ahlena tutu pet, nala, dogo mam hum tu, dogo mam hum tu. Melkisedek, ad’u simiyêm nala Amul ma d’ingêrâ; kal pet mam namul ma Salem-ma, nala Amul ma b’leng nga halasa.

Jean 16:11

yam sariyad’a kayam Alona ka wa sariyad’a yam ma te yam duniyad’ina da’.

Matiye 9:2

A mbamï sama gugutud’a, mi nga burâ kä kur zlatna. Ata yima Jesus mi we he gagazi mazid’ina, mi de mi sama gugutud’a ala: Gorona, ang ve tangû! An vat wa hurun ndei yam tcho manga da’.

2 Korente-na 2:14

An le mersi mAlo ma mi yomi d’igi azigar suma a yozi avun ayînina na ad’u Christ á tak kusa hi Christ-sa woi burâ ki burâ. Mi tinimi á tak Christ woi ata yina pet, d’igi his ma afufuîna mi b’rau woi ata yina pet na.

2 Korente-na 4:7

Wani ami ni d’igi dei ma lubu ma nga mi zi ndjondjoîd’a hAlona d’a wanda kuana, á tak kei tetet ala ad’eng nga kal papa ndata ti tcholï nata Alona, nga nata ami d’i.

2 Korente-na 6:4

Wani kur ahlena pet, ami nga tagami woi ala ami nazungeîna hAlonina. Ami nga vami tami kur ndaka, kur yor tad’a, kur hur ma hata mi.

1 Jean 2:13

Abuyonu, an nga ni b’irigi kayam agi wagi wa mam ma nga ei avok deina. Azungeîna, an nga ni b’irigi kayam agi kuzugi wa yam Ma tchona da’.

Suma ka sariyad’a 3:2

Mi le hina kayam andjaf Israel suma kur atchogoi ndatina a we ayî ma durâ mi, kayam azi wum nga avok ki.