Jean 16:25 - Bible azumeina

²⁵ Jesus mi dazi kua ala: An dagi ahle ndazina ni ki d’ogolâ. Yina nga mba, an dok dagi zlad’a ki d’ogolâ d’uo d’a, wani an mba ni dagi zlad’a woi yam Abun abu mbak.

Jean 16:25 Referans Kwoze

Jean 16:12

An nga ki zlad’a ngola tua á dagiziya, wani ki tchetchemba, agi ndak á vagizi kagi d’i.

Jean 10:6

Jesus mi dazi zla d’a d’ogol ndata, wani azi we nga ad’u zla d’a mi dazizid’a d’i.

Marik 4:13

Jesus mi dazi kua ala: Agi wagi nga zla d’a d’ogol ndata ad’ut tuo? Le ni na ni, ni nana ba, agi mba wagi zla d’a d’ogol la dinga ad’ut pet ke?

Sawal la giled’a 78:2

An mba ni mal vunan á de zla d’a d’ogola, an mba ni de woi yam zla d’a ne d’a dedeid’a.

Sawal la giled’a 49:4

Zla d’a nga d’i ndavunanda ni zla d’a irata, djib’er manda ni djib’er ra djivid’a.

2 Korente-na 4:2

Ami arami sun nda zulo d’a nga ngeid’id’a woyo. Ami tid’imi nga kur lemba á lop suma ki zlad’a hAlonid’a d’i, wani ami nga dami zlad’a hAlonid’a woi ki gagazid’a mi suma avok Alona.

Jean 16:2

Suma a mba digigi woi abu kur gongîyo mazi suma toka. Yina nga mi mba, ata yi máma, sama lara pî ma mba mi tchagina, mba mi djib’er ala mam le ni sunda mAlona.

Zla d’a d’ogolâ 1:6

Mi nga mi tak lovota á wäd’u d’ogolâ ki zla d’a ngad’a ki zla d’a mudurid’a hi suma ned’id’a ki zla mazi d’a tetenga mi.

Marik 4:34

Wani mi dazi nga zlad’a bei d’ogolâ d’i. Wani keng woi vam tu, mi ve mam suma hata ad’u ahlena pet suma mi had’azizina.

Marik 8:32

Mi dazi zla ndata woi abu mbak. Wani Pierre mi vum im mbei gen nde, nde mi ngobomu.

Jean 10:24

Kayam ndata, Juif-fâ a nguyumu, a djobom ala: Ni mindja ba, ang arami bei le gigrita ge? Le angî Mesi-yu ni, ang dami woi mbak.

Jean 16:32

Agi gologiya! Yina nga mba, ki tchetchemba mi mba wa, ata yi máma, agi mba b’rawagi woi yayak, nge nge pî mba mi i avo hatamu. Agi mba aran van tu, wani an nga van tu d’i, kayam Abun nga ki sed’enu.