Jean 16:2 - Bible azumeina

² Suma a mba digigi woi abu kur gongîyo mazi suma toka. Yina nga mi mba, ata yi máma, sama lara pî ma mba mi tchagina, mba mi djib’er ala mam le ni sunda mAlona.

Jean 16:2 Referans Kwoze

Jean 9:22

Simiyêm a de hina ni kayamba azi nga le mandara Juif-fâ, kayam Juif-fâ a ndjak vunazi avok ala le sama de woi ala Jesus ni Mesi-yu na ni, a mba digim mbei kur gong mazi d’a toka.

Matiye 10:28

Ar agi lagi mandara suma a tchagi hliwigi suma ndak á tchagi muzugagi d’uo na d’i. Kal pet, agi lagi ni mandara Alo ma ndak á tchi hliu tad’a ki muzu’â djak á izi aduk aku d’a Jahanama-d’ina.

Vama ndum mbeina 6:9

Ata yima Gor timina mi hô dubang ma vahlâ woina, an we suma a tchazi yam zlad’a hAlona suma a le glangâs mazi ma d’engzengîna. Azi nga kä ad’u yima ngal dubang ma his djivid’ina.

Jean 12:42

Hina pî, suma ablaud’a aduk suma nglona a he gagazid’a kamu, wani a de nga woi pid’ak kuo kayam azi le ni mandara Fariziyêna tala azi digizi woi abu kur gong mazi d’a toka d’uo d’a.

Wana ni Zla d’a Djivi d’a Luc mi b’irita 6:22

Le suma a nga noyôgiya, a nga digigiya, a nga ngulugiya, le a nga gologi is d’igi suma tchona na yam an Gor Sana ni, ar agi lagi furîd’a.

Isai 66:5

Agi suma nga humugi zlad’a hi Ma didinid’a ki mandarâ ki zlakina, agi humugi zla d’a b’oziyogi suma a noyôgi a aragi woi yam simiyêna a nga data. A nga dala: Ar Ma didina mi tak subur mamba woyo, ami wami furî magid’a mi. Wani ni azi ba, a mba mbut zulona.

1 Korente-na 4:13

Ata yima azi nga de zla d’a tchod’a kamina, ami nga dazi zlad’a ki lulumad’a. Gak ini, a nga golomi ni d’igi djimgilâ hi duniyad’ina na, d’igi vama ndjendjed’a na mi.

Sunda hi suma a sunuzinid’a 7:56

Mi dazi ala: Agi gologiya! An wakulod’a mal leyo, Gor Sana mi nga tchola ata Alona bigam mba ndjufa mi.

Matiye 24:9

Kayam ndata, azi mba hagi abo suma a mba djobogi vunagiya, a mba tchagi mi. Andjaf suma pet a mba noyôgi woi yam simiyên mi.

Jean 9:34

Azi hulong dum ala: Ang ma vud’ung kur tchod’ina, ang ndak á had’ami zu? A digim mbei abu kur gong mazi d’a toka.

Isai 65:5

Ni suma a nga dala: Ang huttcha woi hina dei, ang hud’ï go gevemi d’i, kayam ami kalang ki yed’eta na. Suma hina na a ni d’igi andos ma mi tchuk atchinana na, a ni d’igi aku d’a nga d’i ngal burâ ki burîd’a na mi.

Sunda hi suma a sunuzinid’a 5:33

Wani kid’a azi hum zla ndatid’a, huruzi zal ngola, a min á tchi suma a sunuzina.

Jean 4:21

Jesus mi dat ala: Atchad’azina, ndak hum zla manda. Yina nga mba, ata yi máma agi mba kud’urogi Abud’a ni yam ahina ndata d’i, d’oze avo Jerusalem mbuo mi.

Filip-ma 3:6

Tan ndi lan zlezleû á djop vun Toka. Yam zla d’a ngom gata hi Juif-fîd’a, a fe nga zla kan ndi.

Daniel 11:33

Suma ne heî suma adigazina, a mba hat suma dingâ ablaud’a. Wani a mba tchi suma dingâ adigaziya, a mba ngal suma dingâ woi kakud’a, a mba yo suma dingâ magomba, a mba hurumuzi ahligiyeziya, a mba lazi hina bizad’a tcha.

Jean 4:23

Wani yina nga mba, ki tchetchemba, mi mba wa, ata yi máma, suma kud’or suma gagazina a mba kud’or Abud’a ni kur muzu’â ki gagazid’a mi, kayam Abud’a mi min ni suma hina na á kud’uromu.

Jean 16:25

Jesus mi dazi kua ala: An dagi ahle ndazina ni ki d’ogolâ. Yina nga mba, an dok dagi zlad’a ki d’ogolâ d’uo d’a, wani an mba ni dagi zlad’a woi yam Abun abu mbak.

Jean 16:32

Agi gologiya! Yina nga mba, ki tchetchemba mi mba wa, ata yi máma, agi mba b’rawagi woi yayak, nge nge pî mba mi i avo hatamu. Agi mba aran van tu, wani an nga van tu d’i, kayam Abun nga ki sed’enu.

Suma ka sariyad’a 6:30

Ata yi máma suma kur azì ma ngolîna a de mi Jowas ala: Ang ndeï ki gorongâ woi abua, ami tchumu. Kayam mi pleî yima ngal ahle suma ngat buzuna hi Bäl-lâ woyo, mi kus aguna hi Asera ma nga ped’a kuana woi mi.