Jean 15:11 - Bible azumeina

¹¹ An dagi ahle ndazina kayam agi lagi furîd’a kanu, kayam furî magid’a ndak memet mi.

Jean 15:11 Referans Kwoze

Romê-na 15:13

Ar Alo ma tin hurâ tcholï atama mi oyôgi ki furîd’a ki b’leng nga halasa kur he gagazi magi d’a agi hat kamba. Hina wani, hur ma tin magina mba mi i avogovok yam ad’enga hi Muzuk ma bei tchod’a ba nid’a.

Jean 17:13

Ki tchetchemba, an nga ni iza gevengû. An nga ni dahle ndazina kur duniyad’a, kayam furî man nda azi lat kanda ti ndak memet.

Jean 16:24

Avok dei gak ki tchetchemba, agi tchenem nga va ki simiyên ndi. Agi tchenegiya, agi mba fagiya, kayam furî magid’a ti ndak memet.

1 Jean 1:4

Ami nga b’irigi ahle ndazina, kayam furî meid’a ti ndak memet.

1 Pierre 1:8

Mam ma agi wagizi nga d’uo na pî ba, agi nga lagi kamu. Mam ma agi wagizi nga ki iragi ki tchetchemba d’uo pî ba, agi hagi gagazid’a kam mi. Kayam ndata, agi nga lagi furî d’a kal tegles sa ngol la sana mi ndak á dat ki vunam mbuo d’a,

2 Jean 1:12

An nga kahlena ngola á b’irigiziya, wani an min b’irigizi ki mbaktumba ki engkrena d’i. An tin hurun ala an iza hatagi á dagi zlad’a vuna ki vuna, kayam furî meid’a ndak memet.

Jean 16:33

An dagi ahle ndazina, ni yam zlap pa tu d’a ki sed’enda ba, agi mba fagi b’leng nga halasa. Agi mba fagi vun ma djopa kur duniyad’a ka hî, wani agi vagi tagiya, an kus wa yam duniyad’a.

2 Korente-na 1:24

Kayam ami minimi á te yam he gagazi magid’a d’i, kayam agi nga kaka ngingring kur he gagazid’a, wani ami min ei lei sunda zlapa tu yam djivi magid’a.

1 Tasaloni’â 5:16

Agi kagagi ki furîd’a teteu.

Wana ni Zla d’a Djivi d’a Luc mi b’irita 15:32

Wani djivid’a ei lei furîd’a, ei kagei ki furîd’a, kayam wiyeng ma d’igi mit tei na na, mi zlit wa; mi vit teyo, an fum wa da’.

Wana ni Zla d’a Djivi d’a Luc mi b’irita 15:9

Ata yima ti fatna, ti yi buniyôtna ki ndrotna, ti dazi ala: Agi mbeyegïya! Agi lagi furîd’a zlapa ki sed’enu, kayam an fe wa sile man nda vit teid’a da’.

Filip-ma 1:25

An we woi tetet ala an mba ni kak ki sed’egi pet á ndjunugiya, kayam agi igi avogovogo, agi lagi furîd’a yam he gagazi magid’a mi.

Efes-sâ 5:18

Ar agi gurud’ugi ki süma tala mi igi kur tit ta batranga d’a d’i. Wani agi oyôgi ni ki Muzu’â hAlonina.

Jean 3:29

Sama vatchad’ina, mam mi sala tela, wani sala tela banam ma nga tchola ma nga mi humum delema, mi nga ki furîd’a ngola á humum delemu. Kayam ndata, furî manda ndak wa memet.

Wana ni Zla d’a Djivi d’a Luc mi b’irita 15:5

Le mi fum wa ni, mi hlumï kelem ki furîd’a.

Wana ni Zla d’a Djivi d’a Luc mi b’irita 15:23

Agi mbeyegï kamuhl ma d’orâ, agi tchagiziya, ei teya, ei lei furîd’a.

Jeremi 32:41

Tan mba d’i lan djivid’a á lazi djivid’a, an mba ni kagazi kur ambas sa wanda ki hurun tu ki muzugan tu mi.

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Sofoni 3:17

Ma didina Alo magina mi nga ki sed’egiya, Mam mi grang ma sud’ugina, mba mi mbud’ugi vama furî ma ngolâ yam o mam mba kagid’a, mba mi mbud’ugi awilid’a, mba mi le hur ma hapma ngola kagi mi.

Jeremi 33:9

Azì ma ngol ma wana mba mi mbut ni vama tan lan djivid’a kama, vama giled’a, vama subura kan an aduk andjaf suma pet suma yam andagad’ina. Fata a hum zla d’a djivi d’a lara ge d’a an mba ni lazizid’a, a mba djib’er ngola, a mba le mandarâ yam djivi d’a lara ge d’a, yam i mazi d’a avogovoka mi.

Isai 62:4

A mba yak ala Ta a digit teid’a d’uo d’a, a mba yandaga maka ala Ta a arat teid’a d’uo mi, wani a mba yak ala Ta an hurun vat heîd’a, a mba yandaga maka ala Ta a teleta, kayam Ma didina tam lum djivid’a kagu, andaga maka mba d’i ve ndjufâ.