Jean 14:20 - Bible azumeina

²⁰ Kur bur máma agi mba wagi ala an nga kur Abunu, agi nga zlapa tu ki anu, an nga kurugi mi.

Jean 14:20 Referans Kwoze

Jean 17:26

An tagizi simiyêngû, an mba tagazizi kua, kayam o d’a ang lat kanda, ti kak kuruziya, an kak kuruzi mi.

Galat-na 2:20

Ni an ba ni nga kaka karid’a d’i, wani ni Christ ba, mi nga kaka karid’a kurunu. Ari man nda an nga kaka kurut kur hliuna wanda, an kak ki sed’et ni yam gagazi d’a an hat yam Alona Goromid’a, mam ma le kan mi he tam mbei kana mi.

1 Jean 4:12

Sa tu pî mi we nga Alona ki iram mbi. Le ei nga lei yam teya ni, Alona mi nga kaka kuriya, o mamba ndak memet kuri mi.

Jean 14:10

Ang nga he gagazid’a ala an nga kur Abunu, Abun mi nga kurun mi d’uo zu? Zla d’a an nga ni dagizi d’a wanda ni manda d’i, nAbun ma nga kuruna ba, nga mi ndak vun sun mamba.

Romê-na 8:1

Ki tchetchemba, suma a nga zlap tu ki Jesus Christ-sâ, sariya nga kazi d’i.

Jean 10:38

Wani le an nga ni lad’u ni, agi le hagi gagazid’a kan nduo pî, agi hagi gagazid’a yam sun ndata. Hina wani, agi mba wagi tetet ala Abun nga kurunu, an nga kur Abun mi.

2 Korente-na 13:5

Kayam ndata, ar agi gologi tagi djiviya, na ni agi nga hagi gagazid’a gagazi zu? Ar agi kugugi tagiya. Agi wagiya, na ni Christ nga kurugi gagazi zu? D’oze agi mba kid’agagi woi zu?

Kolos-sâ 1:27

Ni me ba, ndjondjoî d’a subura hi zla d’a muduri d’a Alona mi min tagat tei aduk suma bei wuma ge? Nala, Christ nga kurugiya. Ni kayam mam ba, agi tinigi hurugi ala Alona mba mi suburugiya.

Jean 16:26

Kur bur máma agi mba tchenem va ki simiyênu. An dagi nga ala: An mba ni tchen Abun kagiya d’i,

Kolos-sâ 2:9

Kayam ndak ka memeta hAlonid’a tata ti nga nata Christ.

Kolos-sâ 1:19

Wana ni minda hAlonid’a, kayam ndak memet mamba ti kak kur Christ.

Jean 6:56

Sama mi tan hliwin mi tchan buzuwan mi na, mi nga karid’a zlapa ki sed’enu, an nga karid’a kurum mi.

2 Korente-na 5:17

Wani le sana nga zlapa tu ki Christ-zu ni, mam mi vama ge ma awilina; ahle suma adjeuna pet a kal wa woyo, ahlena pet a mbut wa awilid’a.

Jean 17:11

An nga kur duniyad’a d’uo d’a, wani azi nga kur duniyad’a. An nga ni iza gevengû. Abun ma bei tchod’a, ang ngom suma ang handjina ki simiyêngû, kayam azi kak tu d’igi ei na.

Jean 16:23

Kur bur máma agi mba djobon yam va d’i. Gagazi, an nga ni dagiya, agi le tchenegi Abun ni me pî ki simiyênu ni, mba mi hagiziya.

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

1 Korente-na 1:30

Wani Alona mi zlabagi wa tu ki Jesus Christ, mi mbut Christ ne meid’a mi. Ni yam Christ ba, ei mbud’i suma d’ingêrâ avok Alona, mi mbud’i suma hAlonina, mi pad’ei woi mi.

Jean 17:7

Ki tchetchemba, ar azi wahlena pet suma ang handjina a tcholï natangû,

2 Korente-na 12:2

An we sana hi Christ-sâ tu ma a hlum sä kur akulo d’a hindid’ina, ini ni bizad’a dogo yam fid’i. Le mi ni kur hliu tad’a, an we d’i; le ni bei hliu tad’a ni, an we d’i, wani nAlona ba, mi we.

2 Korente-na 5:19

Ni yam Christ ba, Alona mi zlap suma pet darigïd’a ki mam tamba, nga mi djib’er yam tchila mazid’a d’i. Kayam ndata, mi hami sun nda zlap suma darigïd’a ki mamba á ded’a.

Romê-na 16:7

Agi gagi Andronikus ki Juniyas suma ala nandjavan ni ndron suma dangeina na depa mi. Azi ni suma suma a sunuzina a nga yorozi heîna. Azi he gagazid’a navoron mi.

Jean 14:11

Agi hagi gagazid’a kan ala an nga kur Abunu, Abun mi nga kurun mi. Hina d’uo pî, ar agi hagi gagazid’a kan yam sun nda an lata.