Jean 13:3 - Bible azumeina

³ Jesus mi wala Abum mi hum wa ahlena pet abomu, mam tcholï ni gevemu, nga mi hulong gevem mi d’a,

Jean 13:3 Referans Kwoze

Jean 3:35

Abud’a nga mi le yam Goroma, mi hum ahlena pet abomu.

Matiye 11:27

Abun mi han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Hebre-na 1:2

Wani kur atchogoi d’a dabi d’a tchetchem wanda, mi dei zlad’a navun Goroma, ni Ma mi tinim yam ahlena petna, mi landagad’a ni ki mam mi.

Jean 17:2

Ang han wa ad’enga yam suma pet, kayam an he ari d’a didinda mi suma pet suma ang handjina.

Jean 8:42

Jesus mi dazi ala: Ladjï Alona nAbugiya ni, agi mba lagi kanu, kayam an tcholï ni gen Alona ba, ni mba wana, kayam an mba ni yam tan ndi, wani ni mam ba, mi sununïya.

Matiye 28:18

Jesus mi mba, mi dazi ala: Ad’eng nga akulod’a ki d’a yam andagad’id’a pet, Alona mi handjiya.

1 Korente-na 15:27

D’igi a de kur mbaktumba hAlonid’a na ala: Alo ma mi tchuk ahlena ki zlazi pet kä ad’u asema. Ata yima mi dala ahlena ki zlazi ped’u na, ei tei wei ala Alo ma mi tchugum ahlena ki zlazi pet kä ad’u asema, mi nga aduk ahle ndazina d’i.

Sunda hi suma a sunuzinid’a 2:36

Kayam ndata, ar agi Israel-lâ pet agi wagi woi tetet ala ni Jesus ma agi b’alam akulo ata agunina ba, Alona mi mbud’um Salad’a ki Mesi mi.

Jean 13:1

Avok vun til ma Pa’â, ata yima Jesus mi we ler mam mba mba go á ar duniyad’a á hulong gen Abuma, mi le yam mam suma kur duniyad’ina le d’a kal papad’a.

Jean 7:33

Kayam ndata, Jesus mi dala: An nga ki sed’egi tua ndjö, bugol an mba ni i gen mam Ma sununïna.

Jean 7:29

An wumu, kayam an tcholï ni gevemu, ni mam ba, mi sununïya.

Jean 3:13

Sama djak kur akulod’ina nga d’i, wani ni an Gor Sana ma tcholï akulona.

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.

Wana ni Zla d’a Djivi d’a Luc mi b’irita 10:22

Mi de mi suma ala: Abun han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Jean 8:14

Jesus mi hulong dazi ala: Le an le ni glangâsâ yam tan pî, glangâs mana ni gagazi, kayam an we yima an tcholï kuana ki yima an i kuana mi, wani agi wagi nga yima an tcholï kuana d’oze yima an i kuana d’uo mi.