Jean 13:18 - Bible azumeina

¹⁸ An de ni kagi pet ti, an we suma an manazina. Ni kayam zla d’a a b’irit kur mbaktumba hAlonid’a ala: Mam ma nga mi te tena ki sed’ena, mi mbut iram mi kak djangûna ki sed’enu d’a ndak memet.

Jean 13:18 Referans Kwoze

Sawal la giled’a 41:9

Mi dap wa ata zla d’a tchod’a! Gola! Mi nga ged’a kä! Mi dok tchol akulo d’uo d’a!

Matiye 26:23

Mi hulong dazi ala: Ma nga ni duvun ki sed’en kur angala tuna, ni ma mba han abo sumina.

Jean 17:12

Kid’a an nga ki sed’ezid’a, an ngomozi ki simiyêng ma ang handjina, an nga ni ngomozi mi. Sa adigazi tu ba nga woi d’i, ni ma a tinim á bad’a woina hol, kayam zla d’a a b’irit kur mbaktum mangid’a ti ndak memet.

Marik 14:20

Jesus mi hulong dazi ala: Ni ma nga adigagi agi suma dogo yam mbàna ni ma nga mi duvun ki sed’en kur angala tuna.

Jean 13:26

Jesus mi hulong dum ala: Ma an nga ni duvun avuna ni humzina, ni mamu. Ata yi máma, mi duvun avuna, mi hum mi Judas Simon Iskariyot goroma.

Jean 6:70

Jesus mi hulong dazi ala: Ni an ba ni managi dogo yam mbà d’uo zu? Wani ma dingâ tu nga adigagiya ni diable.

Jean 15:19

Ladjï agi ni suma hi duniyad’ina ni, suma kur duniyad’ina a mba le kagi d’igi sum matna na. Wani agi ni suma hi duniyad’ina d’i, kayam an managi woi aduk sum matna. Kayam ndata, suma kur duniyad’ina a nga noyôgiya.

Hebre-na 4:13

Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.

Jean 15:16

Ni agi ba, manan ndi, wani ni an ba ni managi ni tinigiya, kayam agi i vud’ugiya, vut magid’a ti i avogovok mi. Hina wani, vama lara pî ma agi tchenegi Abun kam ki simiyêna, mam mba hagiziya.

Matiye 10:36

Suma avo hi sanina a mba kak djangûna ki sed’emu.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

Jean 21:17

Mi djobom yam á hindid’a ala: Simon Jean goroma, ang le kan ndju? Pierre hurum zal yam de d’a mam dum yam á hindid’a ala: Ang le kan ndju d’a. Pierre mi dum ala: Salana, ang wahlena pet, ang wala an le kangû. Jesus mi dum ala: Ang he tumiyô mana tena.

2 Korente-na 4:5

Kayam ami nga tchami wala ni yam ami tami d’i, wani ami nga tchami wala ni yam Jesus Christ ala mam mi Salad’a. Ami nga dagi ala ami nazungeî magina yam Jesus mi.

Jeremi 41:2

Ata yi máma Ismael Netaniya goroma mi tchol akulo zlapa ki suma dogo suma a nga ki sed’ema, a tchi Gedaliya Ahikam gorom ma Safan gorom ngolonina ki mbigeu d’a fiyaka. Ni hina ba, a tchi Gedaliya ma amul ma Babilon-na mi tinim á te yam ambasina.

Matiye 26:21

Kid’a a nga avun tenid’a, Jesus mi dazi ala: Gagazi, an nga ni dagiya, sana tu adigagi mba mi han abo suma.

Marik 14:17

Kid’a afata ti nik dad’a, Jesus mi mba ki suma hat suma dogo yam mbàna.

Marik 14:18

Kid’a azi nga avun tenid’a, Jesus mi dazi ala: Gagazi, an nga ni dagiya, sana tu adigagi ni ma nga mi te ki sed’ena, mba mi han abo suma.

Wana ni Zla d’a Djivi d’a Luc mi b’irita 22:21

Wani gologiya, sama mi han abo sumina mi nga ki sed’en avun tena.

Jean 13:21

Kid’a Jesus mi de zla ndata dad’a, hurum hat ngola, mi lazi glangâsâ woi ala: Gagazi, an nga ni dagiya, ma dingâ tu adigagi mba mi han abo suma.

Jean 13:22

Suma hata a nde gol ir taziya, kayam me a we nga sama mam nga mi de kama d’i.

Jean 15:25

Azi le hina kayam zla d’a a b’irit kur mbaktum mazi d’a gata ala: A noyôn ni hawa d’aru d’a ndak memet.

Jean 18:32

Ahle ndazina a le hina á ndak ki vun zla d’a Jesus mi dat tei avok yam mad’am ma mam mba mi mitna ndak memet.

Jean 19:24

Kayam ndata, azigarâ a de tazi ala: Ei haweîzi woi d’i, wani ei tumi gumara kad’u, ei wei sama mba yotna. Ahle ndazina a le hina á ndak vun zla d’a a b’irit kur mbaktumba hAlonid’a ala: A b’rau baru mana aduk taziya, a tum baru man nda ngola gumara mi d’a ti ndak memet. Wana nahle suma azigarâ a lazina.

Jean 19:36

Ahle ndazina a le hina kayam zla d’a a b’irit kur mbaktumba hAlonid’a ala: A mba kuzum asogom tu d’uo d’a ti ndak memet.

Sunda hi suma a sunuzinid’a 1:2

gak bur ma Alona mi hlum sä akulona. Avok i mam mba sä akulod’a, mi he vuna yam ad’enga hi Muzuk ma bei tchod’a ba na mi mam suma a sunuzi suma mi manazina.

Sunda hi suma a sunuzinid’a 1:16

B’oziyona, mbeî zla d’a b’ir ra Muzuk ma bei tchod’a ba na mi dat avun David yam Judas ma mba mi tak lovota mi suma á ve Jesus-nid’a ti ndaga.