Jean 12:43 - Bible azumeina

⁴³ Ni kayam azi min ni subura hi sumid’a kal subura hAlonid’a.

Jean 12:43 Referans Kwoze

Jean 5:44

Agi suma halagi ni subura hi sumid’a, agi nga halagi subur ra tcholï ata Alo ma tu gid’engîd’a d’i. Ni nana ba, agi ndak á hagi gagazid’a ge?

Jean 5:41

An nga ni hal subura hi sumid’a d’i.

Wana ni Zla d’a Djivi d’a Luc mi b’irita 16:15

Jesus mi dazi ala: Agi ni suma min á mbut tagi d’ingêr avok sumina, wani Alona mi wagi hurugiya, kayam vama suma suburum adigazina ni vama tchona avok Alona.

1 Tasaloni’â 2:6

Ami nga halami subura hi suma atagi d’oze magid’a d’oze hi suma ding nguo mi. Ami ni suma a sunumina hi Christ-sâ, ami ndak á vami ahlena abogiya.

2 Korente-na 10:18

Kayam sama nga subur tam vama, mi ndak nga d’i, wani sama Ma didina nga mi suburuma ni ma nda’â.

Matiye 6:2

Kayam ndata, ang le nga he he d’a hawa manga mi suma houd’a ni, ar ang tchi wala kat d’igi suma lop ira a nga le kur gongîyo mazi suma toka ki grak lovota na d’i. A le hina kayam suma a suburuziya. Gagazi, an nga ni dagiya, a fe wa wurak mazid’a da’.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

Jean 12:26

Le sana mi min á lan sunda ni, mbeî mi tit ad’unu, kayam yima an mba kak kuana, man ma sunda mba mi kak kua mi. Le sana nga mi lan sunda ni, Abun mba mi hum ngola.

Jean 8:54

Jesus mi hulong dazi ala: Le an subur tanu ni, subur manda ni hawa yak. Ma suburuna nAbunu, ni mam ma agi nga dagi ala mam nAlo magina na.

Wana ni Zla d’a Djivi d’a Luc mi b’irita 19:17

Amulâ mi dum ala: Ang le djiviya, angî azong ma djivina. Kayam ang d’engzeng ki vama akid’eina, ang te yam azina dogo.

1 Samuel 2:30

Kayam ndata, an Ma didina Alona hi Israel-lîna an nga ni dangû: An hle vunan adjeu mi suma habungâ ki sum mangâ ala: Agi mba kagagi ni man suma ngat buzuna gak didin. Wani ki tchetchemba, an nga ni dang ngei mbak ala: Nga na d’uo d’a! An nga ni he ngola mi suma a nga han ngolina; wani suma a nga golon isâ, an mba ni golozi is mi.

1 Pierre 3:4

Wani djif magina ni kurugi krovo, ni djif ma bei b’laka, nala, lulumad’a ki tchugota; ni vama guzum kal tegles avok Alonina.

Romê-na 2:7

Suma a ve tazi kur sun nda djivi d’a led’a suma a nga hal subura ki hud’a karid’a bei matna ba d’ina, mam mba mi hazi ari d’a didinda.

Sawal la giled’a 22:29

Kayam Ma didina namul ma ngolâ, ni ma nga mi te yam andjaf sumina.

1 Samuel 15:30

Saul mi de kua ala: An le tchod’a. Wani an nga ni tchenengû, ang han ngola avok suma nglona hi azigar manina ki Israel-lâ; ang mbei i ki sed’enu, kayam an i kud’or Ma didina Alo mangâ.

Zla d’a d’ogolâ 29:25

Sama mi le mandara sumina mi gun ni dauna kä kamu, wani sama mi tin hurum yam Ma didinina, va nga mi lum mbi.

Jean 7:18

Sama de zla mamba ki yama mi halî subur mamba ki yamu, wani sama hal subura hi Ma sunumïna, mam mi ma d’engzeng ma bei mbut ira kurum ba na.

Romê-na 2:29

Wani Juif ma krovona ni Juif ma gagazi ma bayâ mam mba ngata ni kurum krovona. Ni bayâ d’a ngat ta yam Muzu’â hAloninid’a, nga ni yam gat ta a b’irita d’i. Juif ma gagazi máma, suma a nga suburumî azi d’i, wani Alona mi suburumî mamu.