Jean 11:25 - Bible azumeina

²⁵ Jesus mi dat ala: An ni Ma tchol suma matna ni Ma hazi arid’a mi na. Sama he gagazid’a kana, le mi mid’u pî, mba mi kaka karid’a.

Jean 11:25 Referans Kwoze

1 Tasaloni’â 4:14

Le ei nga hei gagazid’a ala Jesus mi mid’a mi tchol akulo aduk suma matna miyu ni, hina mi, ei hei gagazid’a ala suma a he gagazid’a yam Jesus suma a bona, Alona mba mi hulongôzi arid’a zlapa ki Jesus mi.

Jean 3:36

Sama he gagazid’a yam Alona Goromina, mi nga kari d’a didinda. Sama ge yam kä avok Alona Goroma d’uo na, mba mi fe arid’a d’i, wani ayîna hAlonina mi nga kaka kamu.

Jean 1:4

Arid’a nga kurud’u; ari ndata ni b’od’a hi sumid’a.

Jean 5:21

D’igi Abun nga mi tchol suma matna akulo nga mi hazi arid’a na, an Goroma nga ni harid’a mi suma an minizina hina mi.

Jean 6:44

Sana mi ndak á mba geven bei Abun ma sununïna mi tanamï d’i; sama mi mbana an mba ni tcholom akulo aduk suma matna kur bur ma dabid’a mi.

Isai 26:19

Magi suma matna a mba hulong zlit akulo, mad’a sum mana a mba tchol akulo. Suma a nga kaka kä aduk andaga d’a gugud’upina, a mba hulong zlit akulo, a mba er ad’uzi akulo ki furîd’a. D’igi mbad’ï magid’a ti d’idje andagad’a ahlena a gra na, andagad’a mba d’i hulong tchol ki suma a bona akulo hina mi.

Romê-na 8:2

Kayam gata hi Muzu’â hAlonina d’a nga d’i he arid’a mi suma a zlap tu ki Jesus Christ-sîd’a, ti bud’un ndei kur gata hi tchod’id’a ki gata hi matnid’a mi.

Jean 6:35

Jesus mi dazi ala: An ni te ma harid’a mi sumina. Sama mi mba gevena, meid’a mba d’i tchum mbi. Sama he gagazid’a kana, vunam mba mi so d’uo mi.

Vama ndum mbeina 21:4

Mba mi sed’ezi simina irazi woi pet. Matna mba tchazi d’i, azi mba yor tazi d’oze a tchi tchi ma hohoud’a d’i, ta d’a ted’a nga d’uo mi, kayam ahle suma adjeuna pet a kal wa woyo.

Filip-ma 3:10

Vama an minima ná we Christ á we ad’enga hi tchol mam mba akulo aduk suma matnid’a kur tit manda, á fe ndaka zlapa ki mamu, á ndjak ki mat mama,

Vama ndum mbeina 20:5

Suma mat suma ding suma a arâ a nga tchol akulo d’uo gak biza d’a dubud’a ndak tua. Wani ni tchol la avok kikidjid’a hi suma matnid’a.

Sunda hi suma a sunuzinid’a 3:15

Agi tchagi Sala arid’a, wani Alona mi tcholom akulo aduk suma matna. Ami ni suma glangâsâ yam zla ndata.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Jean 5:26

D’igi Abun tamba ni sala arid’a na, mi tinin an tan Goroma ni sala arid’a mi.

Sawal la giled’a 36:9

Azi nga hop kahle suma zul avo hatang heîna, ang nga hazi mbiyo alum mang ma djivina á tched’a.

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.

Jean 14:19

Ar ndjö, suma duniyad’a a mba wan nduo d’a, wani agi mba wan kayam an nga karid’a, agi mba kagagi karid’a mi.

Isai 38:16

Salad’a, ni yam djivi manga ba, sana mi kak karid’a. Ni kat ndat ba, an nga tua wana. Ang tcholon akulo, ang han arid’a mi.

Filip-ma 1:23

Wani an nga hepa aduk ahle suma mbà ndazina. An djib’er ala le an i kak ki Christ-zu ni, ni vama kal teglesâ.

Vama ndum mbeina 22:1

Malaikana mi tagan mbiyo alum ma ari ma nga mi wile d’igi kristala na na, nga mi djangî ata zlam mba amula hAlonid’a ki d’a hi Gor timinid’a,

2 Korente-na 4:14

Ami wami ala mam ma tchol Salad’a Jesus akulo aduk suma matnina, mba mi tcholomi zlapa ki Jesus. Mam mba mi ndami woi avorom zlapa ki agi mi.

Romê-na 4:17

d’igi mbaktumba hAlonid’a ti de na ala: Alona mi dala: An mba ni mbud’ung andjaf suma ablauna abuziya. Mam nabui avok Alo ma mam he gagazid’a kama. Alo máma nga mi he arid’a mi suma matna, nga mi yahle suma a nga d’uo na ala a nga.

Wana ni Zla d’a Djivi d’a Luc mi b’irita 23:43

Jesus mi dum ala: Gagazi, an nga ni dangû, ang mba kak ini ki sed’en kur Paradis.

1 Korente-na 15:29

Suma a lazi batemba yam suma matnina, a mba le ni nana ge? Le suma matna a mba tchol akulo d’uo ni, ni kayam me ba, a lazi batemba kazi ge?

1 Korente-na 15:18

Le ni na, suma a he gagazid’a yam Christ suma a bona, a ba ni woyo.

Jean 3:16

Kayam Alona mi le od’a yam suma kur duniyad’a heî, gak mi he Gorom ma tu gid’engâ kaziya, kayam sama lara pî ma he gagazid’a kama, mba mi ba woi d’i, wani mi nga kari d’a didinda.

Vama ndum mbeina 1:18

An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.