Jean 10:8 - Bible azumeina

⁸ Suma a mba avorona pet a ni suma kul suma tchi matna, wani tumiyôna a nga humuzi delezi d’i.

Jean 10:8 Referans Kwoze

Ezekiyel 34:2

Ang gor sana, ang djok vuna mamulei suma Israel-lâ. Ang djok vuna mi suma pol ndazina ala: Salad’a Ma didina mi dala: Ni zla d’a hohoud’a kagi agi suma pol suma Israel suma nga pologi ni tagi gogona. Na ni suma pola a polî tumiyôna d’uo zu?

Jean 10:1

Jesus mi dazi ala: Gagazi, an nga ni dagiya, le sama nga mi kal avun kangâna hi tumiyônina d’uo ba, wani le mi dja’î kabo ma dingâ ni, mam mi sama kul ma tchi matna.

Jeremi 23:1

Ma didina mi dala: Ni zla d’a hohoud’a yam suma pol suma tcho suma a nga pol tumiyô mana a nga b’lagazi woi a nga ndjoyôzi woina.

Sunda hi suma a sunuzinid’a 5:36

Kayam le nga burâ ngol luo tua Teudas mi tchol mi dala mam ni va, mi ka suma ad’um d’igi kikis fid’i na. A tchumu, suma pet suma a ge yazi kä ad’uma a b’rau woi yayak, a mbut vama hawana.

Jean 10:27

Tumiyô mana a nga humun delenu. An waziya, azi nga tit ad’un mi.

Jean 10:5

Azi mba tit ad’u sama ding ngi, wani a mba djang ngei abomu, kayam me a nga hum del sama ding ngi.

Zakari 11:16

Kayam an mba ni tchol ki ma pol ma dingâ. Mam mba mi djib’er yam tumiyô suma a nga lá bad’a woina d’i, mba mi hal tumiyô suma gureina d’i. Mba mi tchil suma mbuleina d’i, mba mi he tena mi suma a nga ki irazina d’i, mba mi mut hliwa suma d’orâ, mba mi pawazi gak i kä ata aseziya.

Sofoni 3:3

Suma nglo suma kuruma a ni d’igi azlo ma nga mi to breîd’ina na, mam suma ka sariyad’a a ni d’igi ngû ma mi nduwan fladege ma nga mi ar va akulo gak yorogo d’uo na na.