Jean 10:30 - Bible azumeina

³⁰ Ami kAbun ni tu.

Jean 10:30 Referans Kwoze

Jean 14:9

Jesus mi dum ala: Filip, an kak ki sed’egi dei gak ini, ang wan nga d’uo? Sama wana, mi wAbun mi. Ni nana ba, ang dala: Ang tagami Abung nge?

Jean 5:23

kayam suma pet a he ngola mi an Goroma, d’igi a he ngola mAbun na mi. Sama he nga ngola mi an Goroma d’uo na, mi he nga ni ngola mAbun ma sununïna d’uo mi.

Matiye 28:19

Kayam ndata, agi igiya, agi mbud’ugi andjaf suma pet man suma hata, agi lazi batemba ki simiyê Abun ki simiyê an Gorâ ki simiyê Muzuk ma bei tchod’a ba na mi.

Jean 14:23

Jesus mi hulong dum ala: Le sama le kanu ni, mam mba mi ngom zla manda, Abun mba mi le kam mi. Ami kAbun mba mbami gevemu, ami mba kagami ki sed’em mi.

Jean 8:58

Jesus mi dazi ala: Gagazi, an nga ni dagiya, avok bei a vut Abraham-mba, an nga.

Jean 5:17

Jesus mi hulong dazi ala: Abun nga mi le sunda teteu, an nga ni le sunda hina mi.

Matiye 11:27

Abun mi han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

Wana ni mbaktum mba Paul mi b’irit mi Tit-ta 2:13

Ti nga d’i had’ei á tini huri ki furîd’a á djup bur ma subura hAlo mei ma ngol ma sud’ina Jesus Christ mba mi nde woina.

Jean 17:10

Sum mana pet ni mangâ, sum mangâ pet ni mana, a suburun wa kazi mi.

1 Timote 3:16

Gagazi, sama ndak á tchi tuguyod’a yam zla d’a muduri d’a ngola hAlona d’a ei tini huri kata nga d’i: Mi nde tam mbei d’igi sana na, Muzu’â hAlonina mi tagam mbei ala ni Ma d’ingêrâ, malaikana a wum mi. Suma a tchum walam mbei aduk andjaf suma dingâ, a hum gagazid’a kur duniyad’a ka hî, Alona mi hlum sä akulo ata yima subura mi.

Jean 16:15

Ahlena hAbuna pet ni mana. Kayam ndata, an dala: Mba mi yoï nahle suma atana ba, mba mi dagiziya.

1 Jean 5:7

Suma a le glangâsâ kama ni hindi,

Gat ta a hat á mbàd’id’a 6:4

Agi Israel-lâ, agi humugiya! Ma didina Alo meina ni Ma didina tu.

Jean 10:29

Abun ma handjina ni Ma kal ahlena petna. Sama ndak á prud’uzi woi abo Abuna nga d’i.

Jean 10:36

ni nana ba, agi nga dagi yam an ma Abun mi manan mi sununï kur duniyad’ina ala: Ang nga las Alona, ni kayamba an dala: An nAlona Goroma d’a zu?