Jean 10:25 - Bible azumeina

²⁵ Jesus mi hulong dazi ala: An dagiya wa, wani agi hagi nga gagazid’a kan ndi. Sun nda an lat ki simiyê Abunda nga d’i le glangâsâ kanu,

Jean 10:25 Referans Kwoze

Jean 10:38

Wani le an nga ni lad’u ni, agi le hagi gagazid’a kan nduo pî, agi hagi gagazid’a yam sun ndata. Hina wani, agi mba wagi tetet ala Abun nga kurunu, an nga kur Abun mi.

Jean 8:58

Jesus mi dazi ala: Gagazi, an nga ni dagiya, avok bei a vut Abraham-mba, an nga.

Jean 14:11

Agi hagi gagazid’a kan ala an nga kur Abunu, Abun mi nga kurun mi. Hina d’uo pî, ar agi hagi gagazid’a kan yam sun nda an lata.

Hebre-na 2:3

le ei golei sut ta ngol ndata ta ni, ei mba prud’i woi ni nana ge? Salad’a tamba mi de zla sut ndata woi avogo, suma a humut avunama a deizi djivi mata mi.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Jean 20:30

Jesus mi lahle suma atchap suma dingâ kua ngola ir mam suma hata ni suma an b’irizi nga kur mbaktum ndata d’uo na.

Jean 12:37

Mi lazi ahle suma ndandalâ ngola hina pî, a he nga gagazid’a kam mbi.

Jean 11:47

Kayam ndata, nglo suma ngat buzuna azi ki Fariziyêna a tok suma b’ak zlad’a, a djop tazi ala: Ei lei ni nana? Kayam sa máma nga mi lahle suma ndandalâ ngola.

Jean 10:32

Jesus mi hulong dazi ala: An tagagi sun nda djivi d’a ngola hAbunda. Ni yam sun me ba, agi min durun kahinad’a ge?

Jean 8:24

Kayam ndata, an dagi ala: Agi mba bogi kur tcho magid’a. Le agi hagi gagazid’a ala an ni Ma nga na d’uo ni, agi mba bogi kur tcho magid’a.

Jean 8:12

Jesus mi de mi Fariziyêna kua ala: An ni b’od’a hi suma kur duniyad’ina. Sama tit ad’una, mba mi tit kur nduvunda d’i, wani mba mi tit ni kur b’o manda.

Jean 7:31

Wani suma ngola aduk ablau suma a he gagazid’a kamu, a dala: Fata Mesi mi mbad’a, mba mi lahle suma ndandalâ kal sama wana zu?

Jean 3:2

Mi mba gen Jesus andjege, mi dum ala: Ma hat suma, ami wang ala angî ma Alona sunungî á had’amina, kayam le Alona nga ki sana d’uo ni, mi ndak á lahle suma ndandal suma ang nga lazi wana d’i.

Sunda hi suma a sunuzinid’a 2:22

Agi Israel-lâ, agi humugi zla d’a an nga ni dagizid’a. Jesus ma Nazarat-na ni sama Alona tagagizi woi avorogi ki sun nda atchap pa ndandala kahle suma simata suma Alona mi lazi ki sed’em adigagi d’igi agi tagi wagi na na.

Jean 8:56

Abugi Abraham mi le furîd’a á we bur ma mba mana. Mi wum mi, mi le hur ma hapma.

Jean 10:37

Le an nga ni le sunda hAbunda d’uo ni, agi hagi gagazid’a kan ndi.