Jean 1:41 - Bible azumeina

⁴¹ Mi i fe wiyema Simon adjeu tua, mi dum ala: Ami fami wa Mesi, nala, Christ.

Jean 1:41 Referans Kwoze

Jean 4:25

Atcha ndata ti dum ala: An wala Mesi nga mi mba, ni ma a yum ala Christ-sâ. Fata mi mba wa ni, mba mi dami ad’u ahlena pet.

Jean 1:45

Filip mi fe Natanayel, mi dum ala: Ami fami wa ma Moise mi b’irim zlam kur gatina, ni ma suma djok vun Alona a b’ir kama. Mam mi Jesus ma Nazarat-na, Josef goroma.

Sawal la giled’a 89:20

Kur bur tu ang nde tang ngeyo, ang de mi mang suma d’engzengâ ala: An had’enga mi man ma gangrang ma dur ayîna, an subur gor azongâ aduk suma.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Wana ni Zla d’a Djivi d’a Luc mi b’irita 2:38

Ata yi máma, ti mba, ti le mersi mAlona. Ti de zlad’a hi gor mámid’a mi suma pet suma a nga djup pat ta Alona mba mi pat Jerusalem mbeid’a.

Wana ni Zla d’a Djivi d’a Luc mi b’irita 2:17

Kid’a azi wumba, azi tagazi zla d’a malaikana mi dazizi yam gor mámid’a.

Sunda hi suma a sunuzinid’a 4:27

Gagazi, kur azì ma ngol ma wana a kak djangûna kazong mang ma bei tchod’a ba na, nala, Jesus ma ang manama. Herot ki Pôs Pilat kandjaf suma dingâ ki Israel-lâ a zlap vunazi kamu.

Isai 61:1

Muzu’â hi Salad’a Ma didinina mi nga kaka kanu, kayam Ma didina mi von mbulâ kan mi tinin iran van ná tchi wal zla d’a djivid’a mi suma hohoud’a. Mi sunun ná b’leng hur suma huruzi mi b’la’â, á tchi wala mi suma a yozi magombina á tchuguzi akulo, á tchi wala mi suma a nga kur dangeinina á tchuguzi akulo mi,

Isai 11:2

Muzu’â hi Ma didinina mba mi kak kamu. Ni Muzuk ma ne ma wad’ud’a, ni Muzuk ma de d’al ma ad’engâ, ni Muzuk ma we ma le mandara Ma didinina mi.

Sawal la giled’a 45:7

Alona, zlam mang nga amula ni d’a gak didinda. Ang nga te leu manga ni ki d’ingêra.

Sawal la giled’a 2:2

Amulei suma yam andagad’ina a tchol ki huneîd’a, suma te yamba a ndjak vunazi tu á kak djangûna ki Ma didina ki ma mam minim tinim amulina.

2 Amuleina 7:9

Wani suma libi ndazina a nga de tazi ala: Ei lei nga djivi d’i. Ei weya, ini ni zla d’a djivid’a keya. Le ei djubi bei de zlad’a gak yina mi foya ni, Alona mba mi kei sariyad’a keya. Ki tchetchemba, ei ï dei zla ndata mi suma avo hamulîna.

1 Jean 1:3

Vama ami wamizina, vama ami humumizina, ami nga lagi glangâsâ kam mi, kayam agi lagi darigïd’a ki sed’emiya. Darigï meid’a ni kAbui Alona ki Goroma Jesus Christ.

Matiye 1:23

Gola! Gor weid’a mba d’i ve wirâ, mba d’i vut gorâ, a mba yum ala Emanuel. Nala, Alona mi nga ki sed’eya.