Jean 1:38 - Bible azumeina

³⁸ Jesus mi mbut iramu, mi golozi a nga tid’ï ad’umu, mi djobozi ala: Agi halagi ni me ge? Azi hulong dum ala: Rabi (nala, Ma hat suma), ang kak nga ni lara ge?

Jean 1:38 Referans Kwoze

Jean 18:7

Kayam ndata, mi djobozi kua ala: Agi halagi ni nge ge? Azi dum ala: Jesus ma Nazarat-na.

Jean 3:2

Mi mba gen Jesus andjege, mi dum ala: Ma hat suma, ami wang ala angî ma Alona sunungî á had’amina, kayam le Alona nga ki sana d’uo ni, mi ndak á lahle suma ndandal suma ang nga lazi wana d’i.

Jean 1:49

Natanayel mi hulong dum ala: Ma hat suma, angî Alona Goroma, angî amulâ hi Israel-lîna.

Zla d’a d’ogolâ 8:34

Sama nga mi humuna ma nga tchola avun agrek mana burâ ki burâ ma nga tchola ndjola avun aziyana, mi le furîd’a.

Sawal la giled’a 27:4

An nga ni tchen Ma didina yam vama an nga ni halam ki hur ma hatina: Nala, an min kak kur gong nga kud’ora hi Ma didinid’a teteu gak mat mana á gol subur mamba, á gol gong mam mba kud’ora ki furîd’a mi.

Jean 18:4

Jesus mi wahlena pet suma a nga mba kama. Kayam ndata, mi nde tam mbei iraziya, mi dazi ala: Agi halagi ni nge ge?

Jean 6:25

Kid’a azi fum sä abo apo d’a woi hî d’a, a dum ala: Ma hat suma, ang mba ka hî ni mindja d’ö?

Jean 3:26

Azi mba gen Jean, a dum ala: Ma hat suma, mam ma nga zlapa ki sed’eng sä abo alum ma Jurdê-na woi hî na, ni ma ang le glangâsâ woi kama, gola, nga mi le suma batemba, suma pet a nga i gevem mi.

Sunda hi suma a sunuzinid’a 10:29

Kayam ndata, kid’a agi tchugugi suma sunda kanda, an mba bei gigrita. An nga ni djobogiya, ni kayam me ba, agi yanï ge?

Jean 12:21

Azi i gen Filip ma Betsaida ma Galile-na, a djobom ala: Sama ngolâ, ami min wami Jesus.

Wana ni Zla d’a Djivi d’a Luc mi b’irita 19:5

Kid’a Jesus mi mbaza ata yi mámid’a, mi hle iram akulo, mi dum ala: Ang Zake, tchugï aseng kä atogo, kayam an kak ini avo hatang mbeî.

Sunda hi suma a sunuzinid’a 10:21

Pierre mi tchuk asem kä gen sum ndazina, mi dazi ala: An ma agi halana ba wana. Agi mbagi ka hî ni hawa ko zu?

Wana ni Zla d’a Djivi d’a Luc mi b’irita 22:61

Salad’a mi pret tam mi gol Pierre. Pierre mi djib’er yam zla d’a Salad’a mi dumzi ala: Avok ahle’â bei hel ini tua d’a, ang mba tin vunang kan yang hindi ala ang wan nga d’uo d’a.

Wana ni Zla d’a Djivi d’a Luc mi b’irita 15:20

Mi tchola, mi i gen abumu. Kid’a mam sä woi hina dei tua d’a, abum mi wumu, mi wum hohowomu, mi ring d’ugulomu, mi vum atam ki furîd’a.

Wana ni Zla d’a Djivi d’a Luc mi b’irita 14:25

Ablau suma a nga tit glovot ki Jesus. Mi mbut iram mi dazi ala:

Wana ni Zla d’a Djivi d’a Luc mi b’irita 10:39

Wiyeta nga, simiyêt ala Marie. Marie ti kak kä asem Salad’a á hum zla mamba.

Wana ni Zla d’a Djivi d’a Luc mi b’irita 8:38

Wani sama muzuk ma tchona buzuk kei kuruma, mi tchen Jesus ala aram mi i ki sed’emu. Wani Jesus mi sunum mi dum ala:

Zla d’a d’ogolâ 13:20

Sama tit ki suma ned’ina mba mi mbut ni sama ned’a, wani sama mi te ki suma lilid’ina mba mi nde kur tchod’a.

Zla d’a d’ogolâ 3:18

Ndat nagu ma harina yam suma a vabozi atatna; suma a vatna a le furîd’a.

Wana ni mbaktum mba a b’irit yam Rut-ta 1:16

Wani Rut ti hulong dat ala: Ndak tezen dala an arak ni hulong avo hatanu d’a d’i. Ata yima ndak i kuana, an i kua mi; yima ndak mba kak kuana, an mba ni kak kua mi; sum ma’â a mba arî sum mana; Alo ma’â mba mi arî Alo mana mi.

1 Amuleina 10:8

Suma avo hatangâ kazungeî mangâ a le furîd’a kayam azi nga tchola avorong burâ ki burâ á hum zla ne manga.

Hor ma tchina 5:19

Ma didina, angî ma nga kaka yam zlam manga gak didina, angî ma nga te leud’a kur atchogoid’a katchogoid’ina.

Jean 1:37

Mam suma hat suma mbà ndazina, a hum zla mamba, a i ad’u Jesus.

Jean 1:39

Mi dazi ala: Agi mbeyegïya! Agi mba wagiya. Kayam ndata, azi iya, a we yima mi nga kaka kuana, a kak ki sed’em kur bur máma; ni go kafata b’lenga.

Jean 4:31

Kid’a atcha ndata ti id’a, suma hata a tchenem ala: Ma hat suma, ang mbeï te nde tua.