Jean 1:37 - Bible azumeina

³⁷ Mam suma hat suma mbà ndazina, a hum zla mamba, a i ad’u Jesus.

Jean 1:37 Referans Kwoze

Romê-na 10:17

Ni hina ba, he gagazid’a mba nata yima sana mi hum zla d’a tchi walina, nala tchi wal zlad’a hi Christ-sid’a.

Jean 1:43

Tcha ndjivinda Jesus mi min ala mi i yam ambas sa Galile-d’a. Mi fe Filip, mi dum ala: Ang mbeï ad’unu.

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.

Zakari 8:21

Suma a nga kaka kur azì ma ngol ma dingîna a mba i de mi suma kur ndram azì ma dingîna ala: Agi mbeyegï ei i tcheneigi Ma didina, ei i haleigi Ma didin ma ad’engêm kal petna. Azi mba hulong dazi ala: Ei iya.

Efes-sâ 4:29

Ar zla d’a tchod’a ndavunagi d’i, wani agi dagi ni zla d’a djivi d’a ndak á wul suma kid’aka akulo kur he gagazid’id’a, á ndjun suma a nga hum zla magid’ina mi.

Zla d’a d’ogolâ 15:23

Sana nga mi le furîd’a yam zla d’a de d’a djivi d’a mam hulongôt de d’a ki vunamba. Ni vama djivi ma kalâ ata yima sana mi de zlad’a ata yatna.

Jean 1:36

Mi we Jesus nga mi kala, mi dazi ala: Agi gologi Gor timina hAlonina.

Jean 1:38

Jesus mi mbut iramu, mi golozi a nga tid’ï ad’umu, mi djobozi ala: Agi halagi ni me ge? Azi hulong dum ala: Rabi (nala, Ma hat suma), ang kak nga ni lara ge?