Jean 1:17 - Bible azumeina

¹⁷ Alona mi he gata yam suma nabo Moise, wani sumad’a ki gagazid’a a mba ni yam Jesus Christ.

Jean 1:17 Referans Kwoze

Romê-na 6:14

Ar tchod’a ti te leud’a kagi d’i, kayam agi nad’u gata d’i, wani agi nad’u sumad’a hAlonid’a.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Hebre-na 9:22

D’igi gata ti de na, ahlena pet a mbuzuzi woi yed’et ni ki buzuna. Bei buzuna mi djang ngei ba ni, Alona nga mi vat hurum mbei yam tchod’a d’i.

Jean 8:32

agi mba wagi gagazid’a, gagazi ndata mba d’i mbud’ugi gro vuta.

Jean 7:19

Moise mi hagi gata d’uo zu? Hina pî, adigagi ma ngomotna nga d’i. Ni kayam me ba, agi halan á tchid’a ge?

Sunda hi suma a sunuzinid’a 28:23

Kid’a azi ngam burîd’a, suma ablaud’a a mba fum ata yima mam nga kaka kuana. Mi vazi ad’u zla ndata, mi lazi glangâsâ yam leud’a hAlonid’a, nga mi vazi ad’ud’a kur gata hi Moise-sa, kur mbaktumba hi suma djok vun Alonid’a yam Jesus. Mi tin ad’ud’a ki yorogod’a dei gak afata niga.

Ad’u Tinda 22:18

Ni kayam andjavang ba, an mba ni b’e vunan yam suma yam andagad’ina pet, kayam ang humun vunanu.

Galat-na 3:17

Wana ni vama an min duma. Vun ma djin ma Alona djinim avok deina, gat ta mbeï bugol bizad’a kikis fid’i yam dok hindi d’a, ndak á tchi vun ma djinda hAlonina woi d’i, ndak á mbut vun mam ma hled’a vama hawana d’uo mi.

Gat ta a hat á mbàd’id’a 5:1

Moise mi yi Israel-lâ pet, mi dazi ala: Agi Israel-lâ, agi humugi gata ki vun ma he d’a suma an nga ni dagizi inina, agi ngomogiziya, agi tid’igi kazi mi.

Sunda hi suma a sunuzinid’a 7:38

Ni mam ma nga tchola kur tok ka hur fulîd’a ki malaika ma mi dum zlad’a yam ahina d’a Sinai-d’a kabuyoi ngolona. Ni mam ma mi ve zla d’a arid’a hAlonid’a, mi heizina mi.

Jean 5:45

Agi djib’eregi ala ni an ba, mba ni kal kagi avok Abunu d’i. Mam ma kal kagina ni Moise, mam ma agi tinigi hurugi kama.

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

2 Korente-na 1:20

Mam mi  d’a yam vun ma hled’a hAlonina pet. Kayam ndata, kur Jesus Christ ei nga dei ala Amin yam subura hAlonid’a.

Jean 9:29

Ami wami ala Alona mi de zlad’a mi Moise. Wani sa máma, ami wami nga yima mi tcholï kuana d’i.

Mise 7:20

Ang mba le glangâsâ yam d’engzeng mang nga ang lat kandjafâ hi Abraham-mid’a, yam djivi d’a ang lat kandjafâ hi Jakob-mid’a d’igi ang gun tang mabuyomi ngola adjeu na.

Sawal la giled’a 98:3

Humam gum yam o mam mba didinda, yam d’engzeng mam mba yam azì ma Israel-lîd’a. Andagad’a vunat ma dabid’a pet, ti we suta hAlo meinid’a.

Sawal la giled’a 85:10

Gagazi, sut mamba ti nga go ki suma a nga lum mandarama tala subur mamba mba d’i kak yam ambas meid’a d’a.

Gat ta a hat á mbàd’id’a 33:4

An Moise ni hagi gat tala ni vama djona hi agi andjafâ hi Jakob-mina d’a.

Gat ta a hat á mbàd’id’a 4:44

Wana ni gat ta Moise mi djogot tei mi Israel-lîd’a.

Jean 18:37

Kayam ndata, Pilat mi dum ala: Ang doli namulâ? Jesus mi hulong dum ala: Ang de wa, an namulâ. Ni kayam ndata ba, a vud’unu, an mba kur duniyad’a ná le glangâsâ yam gagazid’a. Sama lara pî ma nga kur gagazid’ina, nga mi humun zla manda.