Jean 1:13 - Bible azumeina

¹³ Sum ndazina, a vud’uzi nga ni vuta hi suma d’igi sana mi vut goroma na d’i, wani Alona mi vud’uzi ni mamu.

Jean 1:13 Referans Kwoze

1 Jean 3:9

Nge nge pî ma Alona mi vud’uma, nga mi i avok kur tcho d’a led’a d’i, kayam mi hle ni zlad’a hAbum Alonid’a. Nga mi i avok kur tcho d’a led’a d’uo d’a, kayam Alona mi vud’um mi mamu.

Jacques 1:18

Kur min mamba mi hei arid’a yam zla mam mba gagazid’a, kayam ei mbud’i suma avo’â hahle suma mam lazina pet.

1 Pierre 1:23

Kayam a vud’ugi vut ta awilid’a nata abuyoi suma matna nga kal kazina d’i, wani ni kandjaf ma bei matna, nala ki zlad’a hAlona d’a ari d’a didinda.

1 Pierre 1:3

Ar ei gilei Alona Abu Saleina Jesus Christ yam we hohou mam mba ngola mi hei ari d’a awilid’a ata yima mi tchol Jesus Christ akulo aduk suma matnina. Ni Ma ari ma ei tini huri kama.

1 Jean 5:4

kayam nge nge pî ma Alona mi vud’uma, nga mi kus yam duniyad’a. Vama kus yam duniyad’ina ni he gagazi meid’a.

1 Jean 4:7

Buniyôn suma od’a, ar ei leigi yam teya, kayam od’a tcholï nata Alona. Sama lara pî ma nga mi le od’ina, Alona mi vud’um mi mamu, mi wAlona mi.

Wana ni mbaktum mba Paul mi b’irit mi Tit-ta 3:5

mi sud’i ni yam sun nda d’ingêr ra ei lata d’i, wani ni yam we hohou mamba. Mi sud’i woi ki mbusa ata yima Muzuk ma bei tchod’a ba na mi vud’i vut ta awilid’ina, mi hei ari d’a awilid’a mi.

Filip-ma 2:13

Kayam Alona ni Ma nga mi le sunda kurugi á hagi ad’enga á le min mamba, á ndak vun nga hur mama mi na.

1 Korente-na 3:6

An ni ma ped’a, Apolos ni ma vo mbina kama, wani Alona ni ma wuluma.

1 Jean 5:1

Nge nge pî ma mi he gagazid’a ala: Jesus ni Christ-zu na, Alona mi vud’um mi mamu. Nge nge pî ma nga mi le yam Abum Alonina, mi le ni yam goroma mi.

1 Jean 5:18

Ei wei ala sama Alona mi vud’uma, nga mi le tchod’a d’i, wani Alona Goroma nga mi ngomomu, Ma tchona mi ndak á lum va d’uo mi.

Jean 3:3

Jesus mi hulong dum ala: Gagazi, an nga ni dangû, le a vut nga sana vut ta awilid’a d’uo ni, mi ndak á we leud’a hAlonid’a d’i.

Matiye 3:9

Ar agi djib’eregi kurugi ala Abraham nabui ngolo hina d’i, kayam an nga ni dagi woi mbak Alona mi ndak á mbut ahuniyô suma wana grona mi Abraham.

Sawal la giled’a 110:3

Kur bur ma ang tok b’rang mangina, mang suma huruzi vangâ a tap ki sed’eng mi, gro azungeî mangâ a mba mba geveng yam ahuniyô suma a tinizi irazi vazina d’igi mbad’ïd’a ti ge pipir na.

Ad’u Tinda 25:22

Grona a nde ndjiget tazi kurud’u, ti dala: Le ni na ni, an ve wirâ na na ge? Ti i tchen Ma didina.

1 Pierre 2:2

Ar agi had’agi hurugi yam apo ma djivina d’igi gugurei suma vut awilina na, nala, yam zlad’a hAlonid’a, kayam agi wulugi akulo kur sut magid’a.

Ad’u Tinda 27:33

Isak mi nde zlaka djidjik, mi dala: Sama mban hliu azarâ adjï ni nge ge? An tum mbei avok mba manga pet da’, an b’e wa vunan kamu, mi arî sama b’e vuna kama mi.

Ad’u Tinda 25:28

Isak mi le yam Esau, kayam mam nga mi te hliu ma Esau tchumzina. Wani Rebeka ti le ni yam Jakob.

Ad’u Tinda 27:4

ang lan te ma djivi ma hurun vum heîna, ang mbandjïya; an te, an b’e vunan kang tua ba, an ni mid’a.