Jean 1:10 - Bible azumeina

¹⁰ Zla ndata ti nga kur duniyad’a. Alona mi le duniyad’a ni ki ndad’u, wani suma kur duniyad’ina a wat nga d’i.

Jean 1:10 Referans Kwoze

Jean 17:25

Abun ma d’ingêrâ, suma duniyad’a a wang nga d’i, wani an wangû, suma ang handjina a wala ni ang ba sununïya mi.

1 Jean 3:1

Agi gologi andjaf o d’a ngol la Abui Alona mi lat kei á yï ala ei ni groma d’a. Ni ei wana. Suma duniyad’a a wei nga d’i, kayam azi wum nga d’i.

1 Korente-na 2:8

Sa tu aduk suma te yamba kur duniya d’a wanda ma we ne ndatina nga d’i. Ladjï a wäd’u ni, a ndak á b’al Sala ma subura akulo ata aguna d’i.

1 Korente-na 1:21

Suma duniyad’a yam ne mazid’a a we nga Alona d’i. Kayam ndata, Alona kur ne mamba mi nga hurum á sut suma a he gagazid’a yam wal mami d’a tchi d’a lilid’ina.

Matiye 11:27

Abun mi han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Hebre-na 11:3

Ni yam he gagazid’a ba, ei wei ala Alona mi landagad’a kahle suma sä akulona ni ki zla d’a avunamba. Kayam ndata, ahle suma ei nga wazi ki ireina, Alona mi mbud’uzi kahle suma ei nga wazi ki irei d’uo na.

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.

Jean 1:5

B’o ndata nga d’i b’o yam suma kur nduvundina, wani suma kur nduvundina a vat nga d’i.

Sunda hi suma a sunuzinid’a 14:17

Wani burâ ki burâ mam tamba nga mi tagï djivi mam mba mi lata woi akulo. Nga mi se kagiya, agi nga dud’ugi awuna vun simetna, nga mi hagi tena, nga mi hobogi hayagi ki tena, agi nga lagi furîd’a mi.

Jean 5:17

Jesus mi hulong dazi ala: Abun nga mi le sunda teteu, an nga ni le sunda hina mi.

Ad’u Tinda 16:13

Agar ri djop tat ala: Gagazi, na ni an we ni Mam ma nga mi wana zu? Ti yi simiyê Ma didin ma dat zlad’ina ala Angî El-Royi, Alo ma nga mi wana.

Ad’u Tinda 18:33

Kid’a Ma didina mi de zlad’a mi Abraham dad’a, mi iya; Abraham mi hulong avo hatam mi.

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Isai 53:3

Ni ma a golom is a noyôm mbeina mi. Ni sama kur pupulukina, ni ma hat kur ndakina mi. Mi hle tamî d’igi sama suma a hle yazi woi kam á golom mbuo na na. A golom is, ei golomî va d’uo mi.

Jean 1:3

Alona mi lahlena pet ni ki ndad’u. Vama tu ma mi lum bei ndatna nga d’i.

Jean 1:11

Ti mba avo hatad’u, wani sum matna a vat nga atazi d’i.

1 Korente-na 8:6

wani yam eya, Alona ni tu, nAbuya, ni Ma ahlena pet a tcholï atama; ei ni sum mama mi. Ei wei ala Salad’a ni tu mi, ni Jesus Christ, ni Ma ahlena pet a nga kama; ei nga karid’a ni yam mam mi.

Kolos-sâ 1:16

Alona mi lahlena pet ni ki mamu, nala, ahle suma sä akulona kahle suma yam andagad’ina kahle suma a nga wazi ki irina kahle suma bei wazi ki irina, suma ad’enga ki suma suliyod’a ki suma te yamba ki suma te leud’a. Alona mi lahlena pet ni ki mamu, ni kam mam mi.