Jean 1:1 - Bible azumeina

¹ Avok ka Alona mi le nga va tu d’uo tua d’a, Zlad’a nga. Zla ndata ti nga zlapa kAlona, Zla ndata tata nAlona.

Jean 1:1 Referans Kwoze

Ad’u Tinda 1:1

Avok ka va nga d’uo tua d’a, Alona mi lakulod’a kandagad’a.

Jean 17:5

Abunu, ki tchetchemba, ang suburun avorong ki subur ra an nga ki sed’et avorong avok dei bei led’a hi duniyad’id’a.

Vama ndum mbeina 19:13

Mi tchuk baru d’a fiyak ka ti tib’ak ki buzunid’a atamu. A yum ala Zlad’a hAlonid’a.

Kolos-sâ 1:17

Christ ni ma avok ahlena petna; ahlena pet a nga ata yazi ni yam mam mi.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Vama ndum mbeina 22:13

An ni Alfa, an ni Omega, an ni Ma avo’â, an ni Ma danana. An nAd’u tinda, an ni Yam mba dabid’a mi.

Jean 1:2

Kä ad’u tinda ndat nga zlapa kAlona.

Vama ndum mbeina 1:8

Salad’a Alo ma ad’engêm kal petna, Ma nga na, Ma nga adjeu deina, Ma nga mi mbana, mi de woi ala: An ni Alfa, an ni Omega mi.

Filip-ma 2:6

Mam ma dedege d’igi Alona na na, wani mi gol tam mba dedege d’igi Alona na d’a, ni vama ved’a ndinding ngi.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Matiye 1:23

Gola! Gor weid’a mba d’i ve wirâ, mba d’i vut gorâ, a mba yum ala Emanuel. Nala, Alona mi nga ki sed’eya.

Vama ndum mbeina 21:6

Mi dan kua ala: An le wa da’. An ni Alfa, an ni Omega, an nAd’u tinda, an ni Yam mba dabid’a mi. Sama vunam sona, an mba ni hum mbiyo ma lau ma arina á tched’a hawa.

Hebre-na 13:8

Jesus Christ ni ma bei mbuta ba na, ni ma kama, ini gak didina mi.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

1 Timote 3:16

Gagazi, sama ndak á tchi tuguyod’a yam zla d’a muduri d’a ngola hAlona d’a ei tini huri kata nga d’i: Mi nde tam mbei d’igi sana na, Muzu’â hAlonina mi tagam mbei ala ni Ma d’ingêrâ, malaikana a wum mi. Suma a tchum walam mbei aduk andjaf suma dingâ, a hum gagazid’a kur duniyad’a ka hî, Alona mi hlum sä akulo ata yima subura mi.

Jean 16:28

An tcholï ni gen Abunu, ni mba kur duniyad’a ka hî. Ki tchetchemba, an nga ni ar duniyad’a, an nga ni i gevemu.

Vama ndum mbeina 1:17

Ata yima an wuma, an puk kä asem d’igi sama matna na, wani mi tin abom ma ndjufâ kanu, mi dan ala: Ang le mandar ri; ni an Ma avo’â, ni an Ma danana.

Jean 20:28

Toma mi hulong dum ala: Angî Salana, Alo mana.

Wana ni mbaktum mba Paul mi b’irit mi Tit-ta 2:13

Ti nga d’i had’ei á tini huri ki furîd’a á djup bur ma subura hAlo mei ma ngol ma sud’ina Jesus Christ mba mi nde woina.

Hebre-na 7:3

Mam mi ma abum nga d’i, asum nga d’i, ad’u andjavam nga d’i, bur mam ma vuta nga d’i, nga mi mit tuo mi na. Mi hle tamî d’igi Alona Goroma na, mam mi Ma ngat buzuna gak didin.

Vama ndum mbeina 3:14

Ang b’ir mbaktumba mi malaika ma nga yam Tok ka Lawodise-d’ina. Wana nahle suma ma Amin ma glangâs ma d’engzeng ma gagazi ma nad’u tinda hahlena pet suma Alona mi lazina mi dazina:

Efes-sâ 3:9

á tak zla d’a mudurid’a Alo ma lahlena petna mi ngeyet kurum avok deid’a woi mi suma pet,

Vama ndum mbeina 1:2

Jean mi dahlena pet suma mi wazina, ni zla d’a tcholï avun Alonid’a ki gagazi d’a Jesus Christ mi ndat teid’a.

1 Jean 5:7

Suma a le glangâsâ kama ni hindi,

Romê-na 9:5

Abraham azi ki Isak ki Jakob nabuyozi ngolo. Nad’u andjavazi ba, Christ mi ndeï kua d’igi sana na. Mam nAlo ma te yam ahlena petna, ni ma ndak á gilem gak didina. Amin!

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.

Sawal la giled’a 45:6

Yeû manga siyat ni feta dedelem. Ang mba yet ki mang suma djangûna; azi mba puk kä avorongû.

Vama ndum mbeina 2:8

Ang b’ir mbaktumba mi malaika ma nga yam Tok ka Ismirin-ndina. Wana nahle suma Ma avo’â, Ma danan ma mi mit mi mbut arid’ina ni dazina:

2 Pierre 1:1

Ni an Simon Pierre, azong ma a sunuma hi Jesus Christ-sâ. An nga ni b’ir mbaktum mba wanda mi agi suma a fagi he gagazi d’a guzut kal tegles d’igi ami na na, yam d’ingêra hi Jesus Christ Alo mei ma sud’ina.

Vama ndum mbeina 1:11

Ti dan ala: Ang b’ir vama an wuma kur mbaktumba, ang sunut mi Tok ka kid’iziyad’a, nala, ta Efes-sa, ta Ismirin-nda, ta Pergam-mba, ta Tiyatir-ra, ta Sardes-sa, ta Filadelfi-d’a ki d’a Lawodise-d’a mi.

Wana ni Zla d’a Djivi d’a Luc mi b’irita 24:53

Burâ ki burâ azi nga kur gong nga kud’ora hAlonid’a, a nga gile Alona mi.

Jean 8:58

Jesus mi dazi ala: Gagazi, an nga ni dagiya, avok bei a vut Abraham-mba, an nga.

Kolos-sâ 1:15

Christ ma ei wum mi hle tam dedege d’igi Alo ma bei wum ki ira na na, mam mi Gor ma a vud’um avo’â, ni ma avok ahlena pet suma Alona mi lazina.