Jacques 5:7 - Bible azumeina

⁷ B’oziyona, agi vagi tagi gak mbad’a hi Salad’id’a. Gola! Ni nana ba, sama zuma nga mi djup gak bur ma fet awu ma djivi ma kalâ ki ve tad’a, nga mi djup gak alo ma hod’ogeid’a ki ma dabid’a ge.

Jacques 5:7 Referans Kwoze

Joel 2:23

Agi suma Siyon-na, agi lagi hur ma hapma, agi lagi furîd’a yam Ma didina Alo magina, kayam mam nga mi sagi alona ata yamu, nga mi sagi alo ma hod’ogeid’a kalo ma dabid’a d’igi avok deid’a na.

Galat-na 6:9

Ar ei tei tchuk lus á le sun nda djivid’a d’i. Le ei tei tchuk nga lus suo ni, fata yina ndaka, ei mba fed’eya.

Gat ta a hat á mbàd’id’a 11:14

an mba ni sagi alona ata yamu, alo ma hod’ogeid’a kalo ma dabid’a mi. Agi mba dud’ugi awu magina ki guguzlu magid’a, agi mba yorogi mbul magina mi.

Kolos-sâ 1:11

Kayam ndata, ami nga tchenemi Alona kayam mi siragi ngingring kad’enga hi subur mambid’a. Hina wani, agi mba fagi ad’enga á so tad’a, á ve tad’a mi.

Hebre-na 6:15

Kayam ndata, Abraham mi ve tam ad’enga gak mi fe vama Alona mi hlum vunam kama.

Romê-na 2:7

Suma a ve tazi kur sun nda djivi d’a led’a suma a nga hal subura ki hud’a karid’a bei matna ba d’ina, mam mba mi hazi ari d’a didinda.

Galat-na 5:5

Wani amiya, yam ad’enga hi Muzuk mamid’a, ami nga djubumi bur ma Alona mba mi mbud’umi d’ingêr avoroma. Ami nga tinimi hurumi kat ni yam he gagazid’a.

Jeremi 5:24

A nga de kuruzi hina ala: Ar ei lei mandara Alo mei ma nga mi sei alo ma avo’â ki ma danana ata yama ma nga mi ngomei bur ma mi ngam á dutina d’i.

1 Tasaloni’â 2:19

Ni me ba, ni hur ma tin mamina ki furî mamid’a ki subura hi kus mamid’a avok Saleina Jesus kur bur ma mba mamba ge? Ni agi d’uo zu?

Matiye 24:44

Kayam ndata, agi pî, minigi tagiya, kayam ata yima agi nga djib’eregi d’uo na, an Gor Sana mba ni mba kua.

Wana ni mbaktumba hi Oze-d’a 6:3

Ei weya, ei halei lovota á we Ma didina, ei wei ala nga mi mba gagazi d’igi yima fod’a na, nga mi mba kei d’igi mbiyo ma hle yinina na, d’igi alo ma hod’ogei ma mi rap yam andagad’ina na.

1 Tasaloni’â 3:13

Hina wani, mba mi siragi ngingring kur lovot ta d’ingêra bei zlad’a kagi ba avok Alona Abui kur bur ma Saleina Jesus mba mi mba zlapa ki malaika mama petna.

Matiye 24:27

Ni d’igi alona mi wileï abo ma yorogona gak mi ndeza woi abo ma fladegena na, mbad’a hi an Gor Sanid’a ni na.

Romê-na 15:4

Ahlena pet suma a b’irizi kur mbaktumba hAlonid’a adjeuna ná had’eya, kayam ei tini huri kam ki ve tad’a, zlapa ki b’leng hur ma mbaktumba hAlonid’a ti b’lengeîzina.

Zakari 10:1

Agi tchenegi Ma didina kayam mi sagi alo ma hod’ogoid’a ata yamu. Mam ma nga mi mba ki babarîna, mba mi sagi alona ngola, mba mi d’uf asuna asine hi nge nge pî adigagiya.

2 Pierre 3:4

Azi mba dala: Mi hle vunam ala mam mba mba d’uo zu? Mi nga ni lara ge? Kayam kad’u tinda hi simiyeî suma a bona ei deid’a, ahlena pet a nga nata yazi d’igi a lazï adjeu dei na.

1 Tasaloni’â 1:3

Ami nga djib’eremi kagi bei ara ba avok Alona Abuya, yam sun nda tcholï ata he gagazi magid’id’a, yam sun magi d’a od’a, yam ve ta magi d’a yam hur magi ma tin ma yam Saleina Jesus Christ-sâ mi.

1 Korente-na 1:7

Kayam ndata, he d’a hawad’a hAlonid’a tu pî ti kid’agagi nga agi suma nga djubugi bur ma Saleina Jesus Christ mba mi nde woina d’i.

Wana ni Zla d’a Djivi d’a Luc mi b’irita 21:27

Ata yi máma, suma a mba wan an Gor Sana mba ni mbeï kur d’ugula kad’eng nga ngola ki subura mi.

Wana ni Zla d’a Djivi d’a Luc mi b’irita 18:8

An nga ni dagiya, mba mi kazi sariya mazid’a atogo. Wani fata an Gor Sana mba ni mbad’a, mba ni fe he gagazid’a yam andagad’a ko zu?

Wana ni Zla d’a Djivi d’a Luc mi b’irita 8:15

Wani andjaf ma mi nde kur andaga d’a djivid’ina ni suma a hum zlad’a, a vat ki hur ma djivinina, a kak suma d’engzengâ, a vut mi.

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Matiye 16:28

Gagazi, an nga ni dagiya, suma dingâ a nga aduk suma tchola kä wana a mba bo d’i, gak azi mba wan an Gor Sana mba ni mbeï kamul manda.

Jean 21:22

Jesus mi dum ala: Le an min ala mam kak gak mba manda mbeyû ni, vama ndolong ang kua ni me ge? Ang tid’ï ad’unu.

Jean 21:23

Kayam ndata, zla ndata ti b’rau aduk b’oziyozina ala ma hat máma mba mi mit ti. Jesus mi dum nga d’ala mam mba mi mit tuo d’i, wani mi dum mala: Le an min ala mam kak gak mba manda mbeyû ni, vama ndolong ang kua ni me ge?

Jacques 4:11

B’oziyona, ar agi dagi zla d’a tchod’a yam tagi d’i. Le sana mi de zla d’a tchod’a yam wiyema d’oze mi ka sariyad’a kamu ni, mi ka’î djangûna ki gata, mi ka ni sariyad’a yam gata mi. Le angî sama ka sariyad’a yam gatina ni, angî sama nga mi tit yam gatina d’i, wani angî ma ka sariyad’a katna.

Jacques 5:3

Lor magid’a ki bege magi d’a hapa a tchor wa. Tchor ndata mba d’i le glangâs ma tchona kagiya, mba d’i ngalagi hliwigi d’igi akud’a na mi. Agi togogi wa ndjondjoî magid’a yam bur ma dabid’a.

Jacques 5:10

B’oziyona, ar agi djib’eregi yam suma djok vun Alona suma a de zlad’a ki simiyê Ma didinina. Ar agi hlagi balum asezi ki ve tad’a ki d’engzenga kur ndaka.