Jacques 5:10 - Bible azumeina

¹⁰ B’oziyona, ar agi djib’eregi yam suma djok vun Alona suma a de zlad’a ki simiyê Ma didinina. Ar agi hlagi balum asezi ki ve tad’a ki d’engzenga kur ndaka.

Jacques 5:10 Referans Kwoze

Hebre-na 13:7

Agi djib’eregi yam suma nglo suma avorogi adjeu suma a tchagi wal zlad’a hAlonid’ina. Agi djib’eregi yam tit mazid’a ki mat mazina, ar agi hlagi balum asezi yam he gagazi mazid’a.

Sunda hi suma a sunuzinid’a 7:52

Ni ma djok vun Alona ma lara ba, abuyogi ngolo a djobom vunam mbuo ge? A tchi suma a tchi wal zla mbad’a hi Ma d’ingêrîna woyo. Ki tchetchemba, agi hum abo suma á tchum mi.

Sunda hi suma a sunuzinid’a 3:21

Djivid’a mam kak sä akulo gak Alona mi tin ahlena pet suma mi dazi avun mam suma djok vun suma mam tinizi irazi vazi avok deina ata yazi tua.

Wana ni Zla d’a Djivi d’a Luc mi b’irita 6:23

Agi lagi furîd’a kur bur máma, agi lagagi akulo ki aîd’a kayam wurak magid’a ngola sä d’i djubugi akulo, kayam abuyozi ngolo a djop vun suma djok vun Alona adjeunina mi.

Jeremi 2:30

An to grogina ni hawa na, a hum nga gata d’i. Mbigeu magi d’a fiyaka ti kizak magi suma djok vuna woi d’igi azlona mi kizak ahlena woi na.

Isai 39:8

Ezekiyas mi hulong de mi Isai ala: Zlad’a hi Ma didina d’a ang dandji wanda ni zla d’a djivid’a. Nala, an mba kak ki halasa ki djivid’a ata yima an nga ki iran tua na hina d’uo zu?

2 Sunda Hamuleinid’a 36:16

Wani a nga las suma Alona mi sunuzïna, a gol zla mamba is, a nga san ad’u mam suma djok vuna, gak Ma didina hurum zal ngola yam suma. Ata yi máma a fe nga lovota á sut tazi d’i.

Wana ni Zla d’a Djivi d’a Luc mi b’irita 13:34

Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Jeremi 26:16

Ata yi máma suma nglona kablaud’a pet a de mi suma ngat buzuna ki suma djok vuna ala: Sa máma mi ndak nga á tchid’a d’i, kayam mam dei ni zla d’a tcholï avun Ma didina Alo meinid’a.

Jeremi 23:22

Ladjï azi kak ata yi man ma de d’alâ ni, azi ndak á de zla man nda an data mi sum mana, azi ndak á hulongôzï woi kur tit mazi d’a tchod’a ki sun mazi d’a asa’at ta azi lata mi.

Jacques 4:11

B’oziyona, ar agi dagi zla d’a tchod’a yam tagi d’i. Le sana mi de zla d’a tchod’a yam wiyema d’oze mi ka sariyad’a kamu ni, mi ka’î djangûna ki gata, mi ka ni sariyad’a yam gata mi. Le angî sama ka sariyad’a yam gatina ni, angî sama nga mi tit yam gatina d’i, wani angî ma ka sariyad’a katna.

Jacques 5:7

B’oziyona, agi vagi tagi gak mbad’a hi Salad’id’a. Gola! Ni nana ba, sama zuma nga mi djup gak bur ma fet awu ma djivi ma kalâ ki ve tad’a, nga mi djup gak alo ma hod’ogeid’a ki ma dabid’a ge.

Jacques 5:9

B’oziyona, agi guruyôgi tagi tala Alona mi ka sariyad’a kagiya d’a d’i. Kayam Ma ka sariyad’a mi nga go avun agre’â.

Jacques 5:13

Sa nga adigagi kur ndaka zu? Ar mi tchen Alona. Sama le furîd’a mi nga adigagi zu? Ar mi hle sawal la gile Alona.