Jacques 4:6 - Bible azumeina

⁶ Wani nga mi vei suma d’a kala, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

Jacques 4:6 Referans Kwoze

Matiye 23:12

Sama mi hle yam akulona, a mba hulongôm yam kä, sama mi ge yam kä na, a mba hlum yam akulo mi.

Zla d’a d’ogolâ 3:34

Nga mi las suma a nga las sumina, wani nga mi ve suma halasa sumad’a.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

Zla d’a d’ogolâ 18:12

Subur tad’a avok tua ba, b’laka ti mba bugolo, wani ge yam mba kä d’a avok tua ba, subura ti mba ni bugol mi.

Sawal la giled’a 138:6

Ma didina, ang sä akulo dei, ang nga gol suma lulumana, ang nga golï suma yam mba ad’enga ei akulo dei mi.

Zla d’a d’ogolâ 29:23

Yam mba ad’enga hi sanid’a nga d’i hulongôm yam kä, wani sama lulumana, a mba hum ngola.

Zla d’a d’ogolâ 22:4

Sama mi ge yam kä, mi le mandara Ma didinina, mba mi fe ni ndjondjoîd’a ki subura, mba mi te tatâ mi.

Wana ni Zla d’a Djivi d’a Luc mi b’irita 14:11

Kayam nge nge pî ma mi hle yam akulona, a mba hulongôm yam kä, sama ge yam kä na, a mba hlum yam akulo mi.

Isai 2:17

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Wana ni mbaktumba hi Job-pa 22:29

Kayam Alona nga mi b’lak nga hurâ hi sama yam mba ad’engina woyo, wani nga mi ndjun sama mi ge yam kä lulumana.

Wana ni Zla d’a Djivi d’a Luc mi b’irita 18:14

Jesus mi dala: An nga ni dagiya, sa máma mi i avo hatam mi mbut sama d’ingêrâ kal Fariziyê máma. Kayam sama hle yam akulona, a mba hulongôm yam kä; sama mi ge yam kä na, a mba hlum yam akulo mi.

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Wana ni Zla d’a Djivi d’a Luc mi b’irita 1:52

Mi zut suma te yamba kä woi yam zlumiyô mazina, mi hle yam suma lulumana akulo mi.

Zla d’a d’ogolâ 15:33

Le mandara Ma didina hat ni ned’a, ge yam mba kä d’a avok tua ba, subura mba ni bugolo.

2 Sunda Hamuleinid’a 33:12

Ata yima mi nga kur ndakina, mi tchen Ma didina Alo mama, mi hulong yam kä avok Alona habuyom ngolona.

1 Samuel 2:3

Agi zulugi zla d’a hawa d’a subur tad’a d’i, ar zla d’a asa’ata ndavunagi d’i, Kayam Ma didina nAlo ma wahlena petna; mam mi ma nga mi nga sunda hi sumid’a petna.

2 Sunda Hamuleinid’a 34:27

Ang hum zla d’a an dat yam azì ma Jerusalem-ma ki suma a nga kaka kurumid’a woi tetet. Kayam ndata, ang mbut hurungû, ang ge yang kä avoronu, ang haû baru mang ma atangâ woyo, ang tchi ki simina irang mi. An pî ni, ni humungû. An Ma didina ni de na.

2 Sunda Hamuleinid’a 32:26

Ata yi máma Ezekiyas mi hulong yam kä ki suma a nga kaka avo Jerusalem-ma, tala ata yima Ezekiyas mi nga ki irama, ar Ma didina hurum mi zal kazi d’uo d’a.

Matiye 13:12

Kayam sama mi nga ki va aboma, Alona mba mi hum kam kua, mba mi kak kur duzîd’a mi. Wani sama nga ki va abom mbuo na, vama nga abom nde na pî, Alona mba mi hlumzi woi abomu.

2 Sunda Hamuleinid’a 33:23

Mi hulong nga yam kä avok Ma didina d’igi abum Manase mi hulong yam kä na d’i. Amon nga mi le tchod’a avogovogo, zlad’a nga kam avok Ma didina.

Buzuk ka Abud’a 18:11

Ki tchetchemba, an wala Ma didina ni ma kal alona petna, kayam tcho d’a Ezipte-na a ngat kuruzi á lat mi Israel-lîd’a ti hulong kaziya.

Isai 54:7

An arak kei ndjö, wani yam we hohou man nda ngola an mba ni vak atanu.

Sawal la giled’a 9:12

Agi gagi sawala ki simiyê Ma didin ma nga kaka kur Siyon-na, agi dagi sun mam mba ngol la mi lata woi aduk suma.

2 Sunda Hamuleinid’a 33:19

Tchen mamba ki hum mba Alona mi humuta ki tcho mam mba mi lata ki sun mam mba ata yat tuo d’a ki yima mi min yima ndingâ kua á kud’or fileinina ki gong nga kud’or ra mi minit malo d’a a yat ala Asera-d’a ki filei ma mam tched’em avok kä bei mam hulong yam kä d’a, a b’irizi nga kä kur Mbaktumba hi Hozai-d’a.

Jacques 4:10

Agi gagi yagi kä avok Salad’a, mam mba mi hlagi yagi akulo.